બોલિવૂડ એક્ટર સોનૂ સૂદ લોકડાઉનથી અત્યાર સુધી તેની દરિયાદિલીને કારણે ચર્ચામાં છે. ત્યારે હવે સોનુએ 1 લાખ નોકરીઓની જાહેરાત કરી અને કહ્યું કે હવે 10 કરોડ લોકોના જીવન બદલાશે.
સોનુ સૂદ તેની દરિયાદિલીને કારણે હમેશાં ચર્ચામાં રહે છે
હવે સોનુએ 1 લાખ નોકરીઓની જાહેરાત કરી
સોનુ કરશે દેશવાસીઓ માટે આ મોટું કામ
સોનુએ કોરોના સંકટમાં ગરીબ પરિવારોની મદદ કરવા માટે દરેક સંભવ પ્રયાસ કર્યો હતો. પછી તે વિદેશમાં ફસાયેલા વિદ્યાર્થીઓને ભારતલાવવાનું કામ હોય કે ખેડૂતને ટ્રેક્ટર આપવા કે પછી વિદ્યાર્થીને ઓનલાઇન ક્લાસિસ માટે મોબાઇલ ઉપલબ્ધ કરાવવાનું હોય, આ બધી જ મદદ સોનુએ કરી છે. પરંતુ હવે સોનુ જે કરવાનો છે તેનાથી દેશના 10 કરોડ લોકોને મદદ મળશે.
હકીકતમાં સોનુએ તેનો એક મહત્વકાંક્ષી પ્લાન ટ્વિટર પર શેર કર્યો છે. જેમાં તેણે જણાવ્યું છે કે, તે કઈ રીતે દેશના 1 લાખ બેરોજગાર લોકોને નોકરી આપશે. સોનુ સૂદની આ જાહેરાત બાદ તેના ખૂબ વખાણ થઇ રહ્યાં છે. સોનુએ તેની ટ્વિટમાં લખ્યું છે કે, 'નવું વર્ષ, નવી આશા. નવી નોકરીની તક અને તે તકને તમારી નજીક લાવતા, નવા અમે.. પ્રવાસી રોજગાર હવે છે ગુડવર્કર. આજે જ ગુડવર્કર એપ્લિકેશનને ડાઉનલોડ કરો અને તમારી ઉત્તમ કાલની આશા કરો.
આ સાથે જ સોનુ સૂદે આ એપને ડાઉનલોડ કરવા માટે તેની એક લિંક પણ શેર કરી છે. સોનુ સૂદ મુજબ, આ એપ દ્વારા તે 10 કરોડ લોકોનું જીવન બદલવાનો પ્રાયસ કરી રહ્યો છે. નોકરીની શોધમાં લાગેલા બેરોજગારોમાં સોનુ સૂદની આ ટ્વિટ જોયા બાદ ઉત્સાહ આવી ગયો છે. ઘણાં યુઝર્સ કમેન્ટ કરીને સોનુ સૂદનાં આ સાહસિક પગલાના વખાણ કરી રહ્યાં છે.
આ ઉપરાંત એક્ટરે ઝારખંડની એક શૂટરની મદદ કરવાની જાહેરાત કરી છે. સોનુ સૂદે આ શૂટરને જર્મન રાઇફલ અપવાનો વાયદો કર્યો છે. તેણે સોશિયલ મીડિયા પર ધનસારની મહિલા ખિલાડી કોનિકા લાયકની મદદ કરવાની જાહેરાત કરી છે.