સોનુ સૂદ કોરોનાની શરૂઆત થઈ ત્યારથી જ લોકોની મદદ કરી રહ્યો છે અને લોકોનો મસીહા બની ગયો છે. ત્યારે સોનુએ હાલમાં જ એક વીડિયો શેર કર્યો છે જે ખૂબ જ વાયરલ થઈ રહ્યો છે.
સોનુ સૂદ સતત લોકોની મદદ કરી રહ્યો છે
સોનુ સૂદે હાલમાં જ એક વીડિયો શેર કર્યો
સોનુ સૂદે ખોલી પોતાની સુપર માર્કેટ
તમે ફિલ્મોમાં તો સોનુ સૂદને ઘણાં અવતારમાં જોયો હશે, પરંતુ અત્યારે તેનો એક નવો અંદાજ સામે આવ્યો છે. સોનુના આ નવા અવતારને જોઈને બધાં દંગ રહી ગયા છે. ફેન્સ પણ વિચારમાં પડી ગયા છે કે એવું તો શું થયું કે એક્ટરને આ કામ કરવું પડી રહ્યું છે. સોનુએ સોશિયલ મીડિયા એકાઉન્ટ પર એક વીડિયો શેર કર્યો છે જેમાં તે ઈંડા, બ્રેડ, ચિપ્સ વેચતા જોવા મળી રહ્યો છે.
સોનુએ બુધવારે એક વીડિયો શેર કર્યો છે. જેમાં તેણે જણાવ્યું કે તેણે એક નવું સુપર માર્કેટ ખોલ્યું છે. જેનું નામ સોનુ સુપર માર્કેટ છે. આ વીડિયોમાં એક્ટર કહે છે. કોણ કહે છે કે મોલ બંધ થઈ ગયા છે. સૌથી વધારે જરૂરી અને મોંઘી સુપર માર્કેટ અહીં અમારી પાસે રેડી છે. આ જુઓ મારી પાસે કંઈક છે. ઈંડા છે, જેની કિમત 6 રૂપિયા છે. બ્રેડ પણ છે. મોટી બ્રેડ 40 રૂપિયા અને નાની બ્રેડ 22 રૂપિયાની છે.
વીડિયોમાં સોનુ આગળ કહે છે, પાવ, પુરી અને ચિપ્સ પણ છે. જેને પણ જોઈએ જલ્દી મને ઓર્ડર કરો. ડિલીવરીનો ટાઈમ થઈ ગયો છે. પણ હા ડિલીવરીનો એક્સ્ટ્રા ચાર્જ લાગશે. મળીએ સોનુ સૂદની સુપર માર્કેટમાં. સોનુનો આ વીડિયો ખૂબ વાયરલ થઈ રહ્યો છે. એક્ટરે આ વીડિયો શેર કરીને કેપ્શનમાં લખ્યું- 10 ઈંડા પર 1 બ્રેડ ફ્રી, એક્ટરનો આ અંદાજ તેના ફેન્સને ખૂબ જ પસંદ આવી રહ્યો છે.