કોરોના લૉકડાઉનમાં ગરીબ અને જરૂરયાતમંદ લોકોની મદદ કરીને સોનૂ સુદ ઘણા લોકો માટે ભગવાન બની ગયો છે. હાલમાં જ એક શખ્સ સોનૂને મળવા 1200 કિમી સાયકલ ચલાવીને મુંબઇ પહોંચ્યો હતો.
સોનૂ સુદને મળવા પહોંચ્યો શખ્સ
1200 કિમી સાયકલ ચલાવીને પહોંચ્યો
હૈદરાબાદથી એક શખ્સ 700 કિમી પગપાળા પહોંચ્યો
સાયકલ ચલાવીને પહોંચ્યો શખ્સ
લોકો વચ્ચે સોનૂ સુદ માટે એટલો પ્રેમ છે કે એક શખ્સ સાયકલ ચલાવીને 1200 કિમી દૂર સોનૂ સુદને મળવા પહોંચ્યો હતો. આ શખ્સે પોતાની સાયકલમાં સોનૂની મોટી તસવીર પણ લગાવી છે તેની સાથે માળા અને ઘણા બધા ફૂલ લઇને આવ્યો હતો જેથી તે સોનૂને પહેરાવી શકે.
આ શખ્સ સોનૂના ઘરે પહોંચ્યો તો એક્ટર તેને મળવા આવ્યો અને તે બાદ વ્યક્તિએ સોનૂના પગમાં ફૂલ અર્પણ કર્યા અને સોનૂએ તેને ઉઠાવ્યો હતો. બાદમાં હાથ જોડીને સોનૂનુ સ્વાગત કર્યુ હતુ. તમને જણાવી દઇએ કે આ પહેલા પણ સોનૂને મળવા માટે હૈદરાબાદથી એક શખ્સ 700 કિમીની મુસાફરી કરીને પહોંચ્યો હતો.
સોનુએ કરી ટ્વિટ
રઘુ નામના આ શખ્સ સાથે સોનૂએ તસવીર શૅર કરી અને લખ્યું કે, રઘુ ત્રીજી એવી વ્યક્તિ છે તે પગપાળા ચાલીને મારા ઘરે આવ્યો છે. આ દરેક વ્યક્તિને મળીને જે ફીલ કરી રહ્યો છુ તેને વર્ણવવા માટે શબ્દો નથી.
રઘુથી પહેલા વેંકટેશ નામનો એક ફેન હૈદરાબાદથી પગપાળા મુંબઇ પહોંચ્યો હતો. સોનૂએ આ વાતની જાણકારી આપતા સોશ્યલ મિડીયા પર લખ્યું કે, વેંકટેશ, મારા દ્વારા ટ્રાંસપોર્ટેશનની વ્યવસ્થા નહોતી તો ઉઘાડા પગે મને મળવા પહોંચ્યો હતો.