IPLIN
 

Viral / સોનુ સૂદના નામે અમુક લોકો કરી રહ્યાં છે એવું કૃત્ય કે એક્ટરે મજૂરોને ચેતવ્યા, જાણો શું કહ્યું

Team VTV 12:20 PM, 05 Jun 20
Follow us
Sonu sood warn people of impostors asking for money to help migrant workers

લોકડાઉનમાં સોનુ સૂદે જે રીતે પ્રવાસી મજૂરોની મદદ કરી છે, તેના માટે તેની ખૂબ વાહવાહી થઈ રહી છે અને તે મજૂરોનો દેવદૂત બનીને આવ્યો છે. તે મુંબઈ સહિત દેશના ઘણાં રાજ્યોમાં ફસાયેલા મજૂરોને તેમના વતન પહોંચાડવા માટે દિવસ-રાત એક કરી રહ્યો છે. ત્યારે કેટલાક લોકો સોનુ સૂદના નામનો ખોટો ઉપયોગ કરીને મજૂરો પાસેથી પૈસા પડાવી રહ્યાં છે. જેથી સોનુ સૂદે ટ્વિટ કરીને આ અંગે મજૂરોને ચેતવ્યા છે.

  • લોકડાઉનમાં સોનુ સૂદ બન્યો મજૂરોનો મસીહા
  • પ્રવાસી મજૂરોને તેમના વતન પહોંચાડવા એક્ટરે કરી મદદ
  • ત્યારે હવે કેટલાક લોકો એક્ટરના નામે પૈસા પડાવી રહ્યાં છે

સોનુ સૂદે એક ટ્વિટ પોસ્ટ કરીને લખ્યું- અમે જે પણ સેવાકાર્ય કરી રહ્યા છે તે પ્રવાસી મજૂરો માટે એકદમ ફ્રી છે. અમે કોઈની પાસેથી કોઈ જ પૈસા લેતા નથી. પણ જો કોઈ વ્યક્તિ મારું નામ લઈને પૈસા માંગે તો તેને બિલ્કુલ પૈસા આપવા નહીં અને તરત જ અમને અથવા તમારા નજીકના પોલીસ સ્ટેશનમાં રિપોર્ટ નોંધાવો. 

આ સાથે જ સોનુ સૂદે વોટ્સએપ ચેટના કેટલાક સ્ક્રીનશોટ પણ શેર કરતાં લખ્યું- મિત્રો કેટલાક લોકો તમારી જરૂરિયાતનો ફાયદો ઉઠાવવા માટે તમારો સંપર્ક કરશે. જેથી તેમની વાતોમાં આવવું નહીં. અમે જે પણ સેવા આપી રહ્યાં છે તેના માટે કોઈ પૈસા લેતા નથી. તો સાવધાન રહેવું. 

ઉલ્લેખનીય છે કે, સોનુ સૂદ અત્યાર સુધી હજારો મજૂરોને ઘરે પહોંચાડી ચૂક્યો છે. લોકો સોનુ સૂદની પૂજા કરી રહ્યાં છે અને તેનો ખૂબ આભાર વ્યક્ત કરી રહ્યાં છે. લોકો સોશિયલ મીડિયા પર સોનુ સૂદનો આભાર વ્યક્ત કરવા હજારો મેસેજ, ફોટોઝ અને વીડિયો શેર કરી રહ્યાં છે. 

Sonu Sood warn people impostors Money Help Migrant workers Bollywood News
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ