બોલિવૂડ / કોરોનાના વધતાં કેસો જોઈ સોનુ સૂદની વધી ગઈ ચિંતા, એક્ટરે તરત જ સરકારને કરી નાંખી આ અપીલ, જાણો શું

• કોરોના વધતાં સોનુ સૂદની ચિંતા પણ વધી
• સોનુ સૂદે વેક્સિનેશન પ્રત્યે જાગૃતિ ફેલાવવા સંજીવની નામથી અભિયાન શરૂ કર્યું
• સોનુએ કહ્યું 25 વર્ષથી વધુ ઉંમરના લોકોને વેક્સીન આપવામાં આવે

તમને જણાવી દઈએ કે, 45 વર્ષથી વધુ ઉંમરના લોકોને કોરોના વેક્સીન આપવામાં આવી રહી છે. આ દરમિયાન બોલિવુડ એક્ટર સોનુ સૂદે 25 વર્ષ અને તેનાથી મોટી ઉંમરના લોકોને વેક્સીન આપવાની સરકારને અપીલ કરી છે.

I urge @MoHFW_INDIA to consider 25 years and above getting vaccinated too. With number of cases rising and even kids getting infected in large numbers with virus it's high time we announce the vaccination for 25 years and above. Max number of cases I come across are youngsters.

— sonu sood (@SonuSood) April 8, 2021

સોનુ સૂદે ટ્વિટર પર લખ્યું કે, હું અપીલ કરું છું કે 25 વર્ષ અને તેનાથી મોટી ઉંમરના લોકોને પણ વેક્સીન આપવામાં આવે. જે રીતે કેસો વધી રહ્યાં છે અને બાળકો પણ કોરોના સંક્રમિત થઈ રહ્યાં છે, તો સમય આવી ગયો છે કે હવે આપણે 25 વર્ષથી ઉપરને પણ વેક્સીન આપવાની જાહેરાત કરી દઈએ. યુવાનોમાં વધુ કેસ સામે આવી રહ્યાં છે.

તમને જણાવી દઈએ કે, સલમાન ખાન, રજનીકાંત, અમિતાભ બચ્ચન, રોહિત શેટ્ટી, મલાઈકા અરોરા, સોનુ સૂદ, અનુરાગ કશ્યમ, શર્મિલા ટેગોર, ધર્મેન્દ્ર, રાકેશ રોશન, અલ્કા યાજ્ઞિક, સતીશ શાહ, હેમા માલિની, જોની લીવર, પરેશ રાવલ, જિતેન્દ્ર, કમલ હાસન, મોહન લાલ, નાગાર્જૂન, શિલ્પા શિરોડકર સહિત ઘણાં બોલિવૂડ સેલેબ્સ વેક્સીન લઈ ચૂક્યા છે.

સોનુ સૂદે બુધવારે પંજાબના અમૃતસરની હોસ્પિટલમાં કોરોના વેક્સીન લીધી હતી. સોનુએ ટ્વિટર પર લખ્યું હતું કે, 'મને આજે કોરોના વેક્સીન લાગી ગઈ છે. હવે મારો દેશ વેક્સીન લેશે. આજથી અમે સંજીવની નામથી સૌથી મોટું વેક્સિનેશન અભિયાન શરૂ કર્યું છે. આ અભિયાન લોકોમાં જાગૃતિ ફેલાવશે અને તેમને વેક્સીન લેવા માટે પ્રેરિત કરશે.