બોલિવૂડ / શું હવે સોનુ સૂદ કોરોના મહામારી સામે લડવા હોસ્પિટલ ખોલશે? મસીહા બનેલા એક્ટરે આપ્યા સંકેત, ટ્વિટ વાયરલ

• સોનુ સૂદ સતત લોકોની મદદ કરી રહ્યો છે
• હાલને મહામારીને જોતા સોનુ સૂદે કરી ટ્વિટ
• એક્ટરે હવે હોસ્પિટલ ખોલવાના આપ્યા સંકેત

ગયા વર્ષે લોકડાઉનથી જ લોકો પોતાની તકલીફો સોનુ સાથે શેર કરવા લાગ્યા અને સોનુ હમેશાં તેમના માટે તૈયાર રહ્યો. હવે જ્યારે મહામારીનો કહેર આખા દેશમાં વધી રહ્યો છે અને લાખો કેસ સામે આવી રહ્યાં છે, તેને જોતા સોનુએ હાલમાં જ એક ટ્વિટ કર્યું છે. જેમાં તેણે મહામારી દ્વારા મળેલી સૌથી મોટી શીખનો ઉલ્લેખ કર્યો છે. 

महामारी की सबसे बड़ी सीख:

देश बचाना है
तो और अस्पताल बनाना है।

— sonu sood (@SonuSood) April 15, 2021

એક્ટરે શેર કરી ટ્વિટ

સોનુએ ટ્વિટ કરીને લખ્યું- મહામારીની સૌથી મોટી શીખ, દેશ બચાવવો છે તો વધુ હોસ્પિટલ બનાવવા પડશે. આ ટ્વિટથી એવા સંકેત પણ મળી રહ્યાં છે કે ટૂંક સમયમાં સોનુ સૂદ હોસ્પિટલ પણ ખોલી શકે છે. જોકે, હજી તેણે આ વાતની પુષ્ટિ કરી નથી. સોનુની આ ટ્વિટ સોશિયલ મીડિયા પર ખૂબ વાયરલ થઈ રહી છે. સાથે જ યુઝર્સ તેની આ ટ્વિટ પર ખૂબ પ્રતિક્રિયા આપી રહ્યા છે. 

સોનુની આ ટ્વિટ પર લોકો ખૂબ કમેન્ટ કરી રહ્યાં છે અને એક યુઝરે લખ્યું- જી સર, પરંતુ હોસ્પિટલની સાથે ડોક્ટરો પણ હોવા જોઈએ, જેમની ભારતમાં કમી છે. બીજા યુઝરે લખ્યું-તમારી શીખ ખૂબ જ પસંદ આવી. ઉલ્લેખનીય છે કે, સોનુએ હાલમાં જ સીબીએસઈ બોર્ડની પરીક્ષાઓ રદ્દ કરવા અને તેને સ્થગિત કરવાની માંગ પણ કરી હતી. જે બાદ પરીક્ષાઓ રદ થઈ ગઈ અને પછી સોનુએ ટ્વિટ કરી કે આખરે આ થઈ જ ગયું. તમામ વિદ્યાર્થીઓને શુભેચ્છાઓ.