બોલિવૂડ એક્ટર સોનુ સૂદ આજકાલ સોશિયલ મીડિયા પર ચર્ચામાં રહે છે. ક્યારેક જરૂરિયાતમંદોને મદદ કરીને અને ક્યારેક વિચિત્ર ટ્વિટ કરનારા લોકોને જોરદાર જવાબ આપીને. સોનુ સૂદે લોકડાઉન દરમ્યાન પ્રવાસી મજૂરોને મદદ કરી લોકોને મસીહા બની ગયો. આ પછી પણ તેણે ઘણાં જરૂરીયાતમંદોની મદદ કરવાનું કામ ચાલુ રાખ્યું. સોનુ સૂદ ટ્વિટર પર પણ ખૂબ જ એક્ટિવ રહે છે અને મદદની માંગનારા દરેક વ્યક્તિને જવાબ આપે છે. આ દરમિયાન સોનુ સાથે ઘણાં યુઝર્સ મસ્તી-મજાક પણ કરે છે અને સોનુને ચોંકાવી દે એવી ડિમાન્ડ પણ કરે છે. ત્યારે હાલમાં જ એક યુઝરે સોનુ પાસે આઈફોન માંગ્યો તો એક્ટરે પણ તેનો શાનદાર જવાબ આપ્યો.
સોનુ સૂદ સતત જરૂરિયાતમંદોની મદદ કરી રહ્યો છે
લોકો તેની પાસે વિચિત્ર ડિમાન્ડ પણ કરે છે
હાલમાં જ એક યુઝરે સોનુ પાસે આઈફોન માંગ્યો
હકીકતમાં સોનુ સૂદને ટેગ કરતા એક યુઝરે આઈફોન માંગી લીધો. આ પહેલાં પણ એ યુઝરે આ જ ડિમાન્ડને લઈને સોનુને ટેગ કરીને ટ્વિટ કરી હતી. આઈફોન માંગતા યુઝરે લખ્યું- સર એપ્પલ આઈફોન જોઈએ. મેં 20 વખત ટ્વિટ કર્યું છે અને પછી ફની ઈમોજી શેર કર્યો. તો તેનો સોનુએ મજેદાર જવાબ આપતા લખ્યું- મને પણ એક ફોન જોઈએ અને તેના માટે હું 21 વખત ટ્વિટ કરી શકું છું.
સોનુ મદદ માટે હમેશાં તૈયાર રહે છે ત્યારે આવા ફની ટ્વિટ્સનો જવાબ પણ આપે છે. સોનુના આવા રિપ્લાય યુઝર્સને ખૂબ પસંદ આવે છે અને લોકો તેના ખૂબ વખાણ કરે છે. તેના જવાબને શાનદાર ગણાવે છે.
તમને જણાવી દઈએ કે, તેણે અગાઉ ક્રિકેટ ટીમના સ્ટેટ લેવલ ખેલાડીને પણ પોતે સાઈન કરેલો બેટ મોકલાવ્યો હતો. તેની પાસે પૈસાની તંગીને કારણે બેટ નહોતો જેથી સોનુએ તેની મદદ કરી હતી.