મદદ / સોનુ સૂદે જરૂરિયાતમંદો માટે કર્યું વધુ એક મોટું કામ, આ નંબર પર કોલ કરશો તો ફ્રીમાં ઘરે પહોંચી જશે આ સુવિધા

• સોનુ સૂદ સતત લોકોની મદદ કરી રહ્યો છે
• ઓક્સીજન સિલિન્ડર, દવાઓ અને ઈન્જેક્શન સોનુ લોકો સુધી પહોંચાડી રહ્યો છે
• સોનુની હાલની એક ટ્વિટ ઝડપથી વાયરલ થઈ રહી છે

અત્યારે દેશમાં પરિસ્થિતિ એટલી ખરાબ છે કે લોકો હોસ્પિટલમાં બેડ, ઓક્સિજન સિલિન્ડર, ઇન્જેક્શન અને દવાઓની અછતની ફરિયાદ કરી રહ્યા છે. દેશભરના લોકો એવા લોકોની મદદ માટે વિનંતી કરી રહ્યાં છે કે જેઓ તેમના પ્રિયજનોને બચાવવા મદદ કરી શકે. આ મુશ્કેલ સમયમાં સરકાર, ખાનગી ક્ષેત્રની સાથે, ઉદ્યોગપતિઓ, બોલિવૂડ સેલેબ્સ પણ આગળ આવીને લોકોને મદદ કરી રહ્યાં છે. સેલેબ્સમાં સૌથી મોટું નામ સોનુ સૂદ છે.

Oxygen on your way 🇮🇳 pic.twitter.com/HCvuzGry3u

— sonu sood (@SonuSood) May 16, 2021

Delhi, Lets Save More Lives. Oxygen concentrators on your way.

To register, give a Missed Call on 022-61403615.

Thank You @tushti_india @DTDCIndia for joining hands.@SoodFoundation 🇮🇳 pic.twitter.com/feF0KtdmJP

— sonu sood (@SonuSood) May 15, 2021

જ્યારે જરૂરિયાતમંદ લોકો ચારે બાજુથી નિરાશ થાય છે, ત્યારે તેઓ મદદ માટે સોનુ સૂદને વિનંતી કરે છે. સોનુ જરૂરિયાતમંદોને મદદ કરવા તમામ પ્રયત્નો કરે છે. રવિવારે સોનુ સૂદે તેના ટ્વિટર એકાઉન્ટ પરથી એક વીડિયો ટ્વિટ શેર કરીને કહ્યું કે, 'ઓક્સિજન રસ્તામાં છે.' તેની આ ટ્વિટ ઝડપથી વાયરલ થઈ રહી છે. 

સોનુ સૂદે અગાઉ પણ ટ્વિટર પર એક વીડિયો શેર કર્યો હતો. જેમાં તે કહી રહ્યો છે- દિલ્હીથી સૌથી વધુ કેસ અમારી પાસે આવ્યા છે અને જે લોકોએ મને એપ્રોચ કર્યો હતો તેમાં સૌથી વધુ મોત દિલ્હીમાં થયા છે. જેથી દિલ્હીના લોકો માટે અમે એક નંબર જારી કરી રહ્યાં છે. જેના પર જો તમે કોલ કરશો તો અમારી કંપનીમાંથી કોઈને કોઈ આવીને ઓક્સીજન કન્સટ્રેટર ઘરે પહોંચાડી દેશે. આ સેવા એકદમ ફ્રી છે. જ્યારે તમારી જરૂરિયાત પૂરી થઈ જાય તો પ્લીઝ તેને પરત કરી દો. જેથી અન્ય લોકોનો પણ જીવ બચાવી શકાય. કહેવાય છે ને કે જે જરૂરિયાતમાં સાથે ઊભો છે તે સૌથી મોટો છે.