રવિવારે એટલે કે 9 મેએ મધર્સ ડે હતું. ત્યારે આ નિમિત્તે બધાં જ બોલિવૂડ સ્ટાર્સે પોતાની મોમ માટે ખાસ મેસેજ લખ્યો. જેમાં સોનુ સૂદે પણ માતા માટે ભાવુક પોસ્ટ શેર કરી.
મધર્સ ડે પર બોલિવૂડ સ્ટાર્સે પોતાની મોમ માટે ખાસ મેસેજ લખ્યો
સોનુ સૂદે પણ માતા માટે ભાવુક પોસ્ટ શેર કરી
સોનુનો મેસેજ જોઈ ફેન્સ થયા ઈમોશનલ
સેલેબ્સે આ દિવસને પોત પોતાની રીતે મોમ માટે ખાસ બનાવ્યો. સોશિયલ મીડિયા પર આ સ્ટાર્સે પોતાની મોમનો ફોટો શેર કરીને પોતાની ફીલિંગ્સ જાહેર કરી. એક્ટર સોનુ સૂદે પણ એવું જ કર્યું. તેણે મધર્સ ડેની રાતે પોતાની માતાને યાદ કરતાં ખૂબ જ સુંદર પોસ્ટ શેર કરી, જેને જોયા બાદ ફેન્સ પણ ભાવુક થઈ ગયા.
સોનુ સૂદે તેની માતા સરોજ સૂદને યાદ કરતાં વીડિયો શેર કર્યો હતો, તે જોઇને ફેન્સ પણ ભાવુક થઇ ગયા હતા. આમાં સોનુએ તેની માતાની તસવીર અને તેમના હાથથી લખેલો લેટર પણ શેર કર્યો હતો. એક્ટરે વીડિયો શેર કર્યો તેના બેકગ્રાઉન્ડમમાં તારેક જમીં પર મૂવીનું સોન્ગ મા વાગી રહ્યું હતું. વીડિયોમાં સોનુ સૂદના તેની માતાને લખેલી જૂની નોટ્સ જોવા મળી રહી છે. જે તેણે પોતાની માતાને યાદ કરતા લખી હતી.
આ વીડિયો શેર કરતાં સોનુએ કેપ્શનમાં લખ્યું- તમે હમેશાં મને ખુદ પર વિશ્વાસ કરવાની મજબૂતી આપી.' તો વીડિયોની કેપ્શનમાં તેણે હાર્ટ ઇમોજીની સાથે 'મા' લખ્યું છે. એક્ટરની પોસ્ટ પર ઘણાં યુઝર્સ પ્રતિક્રિયા આપી રહ્યાં છે. મા માટે શેર કરેલી સોનૂની પોસ્ટ ઘણી પસંદ થઇ રહી છે.
તમને જણાવી દઇએ કે, સોનુ સૂદની મા એક પ્રોફેસર હતી. કોરોના કાળમાં ગરીબોના મસીહા બનેલાં સોનુ સૂદની માતાના સન્માનમાં હાલમાં જ તેને ગૃહનગર પંજાબનાં મોગામાં એક રોડનું નામ તેમના નામે રાખવામાં આવ્યું હતું. સોનુએ વીડિયો શેર કરીને તેની ખુશી જાહેર કરી હતી અને કહ્યું કે તેનાં માટે આ જગ્યા ખૂબ જ ખાસ છે. કારણ કે આ રોડનું નામ તેની માતા સરોજ સૂદના નામથી ઓળખાય છે. એક્ટરે જણાવ્યું કે, તેની માતા જ્યારે કોલેજ જતી હતી તો આ રોડ પરથી પસાર થતી હતી. તેથી આ જગ્યા તેના માટે ખાસ છે.