મદદ / નેશનલ પ્લેયરની સર્જરી કરાવશે સોનુ સૂદ, કહ્યું- પોતાના પગ ઉપર ઊભા થવા માટે તૈયાર થઈ જાઓ

• સોનુ સૂદ સતત લોકોની મદદ કરી રહ્યો છે
• હવે નેશનલ પ્લેયરની ઘૂંટણની સર્જરીનું કામ હાથમાં લીધું
• ટ્વિટર પર લોકો કરી રહ્યાં છે પ્રસંશા

હકીકતમાં ટ્વિટર પર એક યુઝરે લખ્યું- સર મારી મિત્ર વિઝેન્દર કૌર SGFI નેશનલ કરાટે પ્લેયર છે. 7 મહિના પહેલાં જાન્યુઆરીમાં પ્રેક્ટિસ દરમિયાન તેના જમણાં ઘૂંટણમાં ઈન્જરી થઈ ગઈ હતી. આર્થિક સ્થિતિ ખરાબ હોવાને કારણે તે સર્જરી કરાવી નથી શકી રહી. અમે ઘણાં લોકો પાસે મદદ માંગી પરંતુ ક્યાંય મદદ મળી નહીં. કૃપા કરીને આપણા દેશની દીકરીને મદદ કરો. આ સાથે જ તેણે પ્લેયરની મેડિકલ રિપોર્ટ, નામ, સરનામું અને પ્લેયરનો મોબાઇલ નંબર પણ શેર કર્યો છે.

You will be playing again🇮🇳

Have shared your reports.

Surgery will happen in a weeks time.

Get ready to be on your feet soon my friend 🥇@DRAKHIL66570451 https://t.co/PofoSjhv9u

— sonu sood (@SonuSood) August 27, 2020

આના જવાબમાં સોનુ સૂદે લખ્યું- તૂ ફરી રમીશ. રિપોર્ટ શેર કરી દેવાઈ છે. એક સપ્તાહમાં તમારી સર્જરી થઈ જશે. પોતાના પગ ઉપર ઊભા થવા માટે તૈયાર જા મિત્ર. સોનુના આ જવાબ પર ફેન્સ રિએક્શન આપી રહ્યાં છે અને તેના ખૂબ વખાણ કરી રહ્યાં છે અને કમેન્ટ્સ કરીને તેનો આભાર વ્યક્ત કરી રહ્યાં છે. 

ઉલ્લેખનીય છે કે, છેલ્લા કેટલાક દિવસોથી સોનુ સૂદ સતત સરકારને અપીલ કરી રહ્યો છે કે, કોરોના સંકટમાં JEE-NEET પરીક્ષા મુલતવી રાખવામાં આવે. સોનુ સૂદે ટ્વીટ કર્યું, આ માત્ર વિદ્યાર્થીઓ માટેની પરીક્ષા નથી, પરંતુ સરકારની પણ એક પરીક્ષા છે. સરકાર પાસે NEET અને JEEની પરીક્ષા 60 દિવસ માટે મુલતવી રાખીને શ્રેષ્ઠતા હાંસલ કરવાની તક છે. આમ કરીને સ્મિત પાછું લાવો. વિદ્યાર્થીઓ અને સરકાર આ સમયમાં તૈયારી કરી શકે છે.