Viral / સોનુ સૂદ પોતાના ઘરની બહાર લોકોની ભીડ જોવા નથી માંગતો, વીડિયો શેર કરીને એક્ટરે કહી નાંખી એવી વાત કે...

• સોનુ કોરોના શરૂ થયો ત્યારથી લોકોની મદદ કરી રહ્યો છે
• હવે લોકો મદદ માટે સોનુ સૂદના ઘરની બહાર ભેગાં થાય છે
• સોનુએ ભીડનો વીડિયો શેર કરીને કહી મોટી વાત

હવે લોકો મદદ મેળવવા માટે સોનુ સૂદના નિવાસસ્થાને જમા થવા લાગ્યા છે. જેનો એક વીડિયો સોનુએ ટ્વિટર પર હાલમાં જ શેર કર્યો અને કહ્યું- તે તેના ઘરની બહાર જમા થયેલી ભીડને ગાયબ થઈ ગયેલી જોવા માંગે છે. તેણે લખ્યું- જે દિવસે આ ભીડ અહીંથી જતી રહેશે તો મને લાગશે કે હવે લોકોની પીડા ઓછી થઈ ગઈ છે. ચાલો સાથે મળીને જલ્દી તેને સંભવ કરીએ. 

@sonusood #sonudarbar pic.twitter.com/hT8PGcgknV

— Chintan Desai (@chintandesai) June 23, 2021

સોનુએ શેર કરેલાં વીડિયોમાં તમે જોઈ શકો છો કે, સોનુના ઘરની બહાર લોકોની મોટી ભીડ જમા થઈ છે. ભીડમાં હાજર કેટલાક લોકો સોનુ પાસેથી મદદ માંગી રહ્યાં છે તો કેટલાક તેને દુઆઓ આપી રહ્યાં છે. સોનુ એક એક કરીને ગેટની અંદર લોકોને બોલાવી રહ્યો છે અને તેમની પરેશાની સાંભળી રહ્યો છે. આ જોઈને સોનુની જેટલી પ્રસંશા કરવામાં આવે ઓછી છે. સોનુએ ગયા વર્ષે જે રીતે લોકડાઉનમાં ફસાયેલા પ્રવાસીઓને પોતાના વતન પહોંચાડવામાં મદદ કરી હતી, એ પછી તે રોકાયો જ નહીં અને સતત લોકોની મદદમાં લાગી ગયો. લોકો સોશિયલ મીડિયા પર રોજ હજારો મેસેજ તેને કરે છે. 

ત્યારે હાલમાં જ સોનુએ એક ફની વીડિયો પણ શેર કર્યો હતો. સોનુએ બુધવારે એક વીડિયો શેર કર્યો છે. જેમાં તેણે જણાવ્યું કે તેણે એક નવું સુપર માર્કેટ ખોલ્યું છે. જેનું નામ સોનુ સુપર માર્કેટ છે. આ વીડિયોમાં એક્ટર કહે છે. કોણ કહે છે કે મોલ બંધ થઈ ગયા છે. સૌથી વધારે જરૂરી અને મોંઘી સુપર માર્કેટ અહીં અમારી પાસે રેડી છે. આ જુઓ મારી પાસે કંઈક છે. ઈંડા છે, જેની કિમત 6 રૂપિયા છે. બ્રેડ પણ છે. મોટી બ્રેડ 40 રૂપિયા અને નાની બ્રેડ 22 રૂપિયાની છે. એક્ટરે આ વીડિયો શેર કરીને કેપ્શનમાં લખ્યું- 10 ઈંડા પર 1 બ્રેડ ફ્રી, એક્ટરનો આ અંદાજ તેના ફેન્સને ખૂબ જ પસંદ આવ્યો.