મદદ / રૈનાએ બીમાર માસી માટે યોગી સરકાર પાસે ઑક્સિજન માંગ્યો, સોનુ સૂદે કહ્યું 10 મિનિટ ભાઈ

• સુરેશ રૈનાની મદદે આવ્યા સોનુ સૂદ
• માસી માટે મેરઠમાં ઓક્સિજનની કરી વ્યવસ્થા
• રૈનાએ ટ્વીટ કરીને માગી હતી મદદ 

અત્યાર સુધીમાં શ્રમિકો સહિત અનેક દેશવાસીઓને મદદ કરી છે અને હજીપણ જરૂરીયાતમંદ લોકોને મદદ પહોંચાડી રહ્યા છે. દેશભરમાં કોરોનાની બીજી લહેર ચાલી રહી છે, ઓક્સિજન, હોસ્પિટલમાં બેડ, દવાઓ અને અન્ય ચીજવસ્તુઓની અછત સર્જાઇ છે, આ સમયે સોનુ સૂદ લોકોની મદદ કરી રહ્યા છે. 

સુરેશ રૈનાની કરી મદદ 

સોનુ સૂદ ફાઉન્ડેશન દ્વારા સામાન્ય લોકોની સાથો-સાથ ભારતીય સેલેબ્સની પણ મદદ કરી રહ્યા છે. દેશના જાણીતા ક્રિકેટર સુરેશ રૈનાએ મેરઠમાં રહેતી પોતાની માસી માટે ઓક્સિજન સિલિન્ડરની મદદ ટ્વીટર પર માગી હતી. 

Oxygen cylinder reaching in 10 mins bhai. ☑️@Karan_Gilhotra @SoodFoundation https://t.co/BQHCYZJYkV

— sonu sood (@SonuSood) May 6, 2021

સોનુએ આપ્યો જવાબ- 10 મિનિટમાં પહોંચી જશે 

રૈનાએ લખ્યું કે, 65 વર્ષની તેમની માસી હોસ્પિટલમાં ફેફસાના ઇન્ફેક્શન સામે લડી રહી છે અને ઓક્સિજનની જરૂર છે. ત્યારે સોનુ સૂદે જવાબ આપ્યો હતો કે, 10 મિનિટમાં ઓક્સિજન સિલિન્ડર પહોંચી જશે. 

તાજેતરમાં જ સોનુ સૂદ થયાં હતા કોરોના સંક્રમિત 

ઉલ્લેખનીય છે કે, આ ટ્વીટમાં સુરેશ રૈનાએ ઉત્તર પ્રદેશના મુખ્યમંત્રી યોગી આદિત્યનાથને ટેગ કર્યા હતા. આપને જણાવી દઇએ કે, કોરોનાકાળમાં લોકોની સતત મદદ કરતી વખતે સોનુ સૂદ ખૂદ કોરોનાની ઝપેટમાં આવ્યા હતા અને હોમ આઇસોલેટ થયાં હતા.