બોલિવૂડ એક્ટર સોનુ સૂદ દિલ ખોલીને લોકોની મદદ કરી રહ્યો છે. જરૂરિયાતમંદોની એક રિક્વેસ્ટ પર સોનુ સૂદ તરત જ મદદ માટે આગળ આવે છે. એક્ટરે લોકડાઉન દરમિયાન હજારો પ્રવાસી મજૂરોને પોતાના ખર્ચે ઘરે મોકલાવ્યા હતા. જેથી તે સામાન્ય જનતા માટે મસીહા બની ગયો છે. જે લોકો પાસે ઈલાજના પૈસા નથી તેમનો ઈલાજ પણ સોનુ કરાવી રહ્યો છે.
સોનુ સૂદે ફરી દેખાડી દરિયાદિલી
લોકો સોનુના નેક કામ પર થયા આફરીન
એક રિક્શા ડ્રાઈવરની કરી મદદ
ઓટો ડ્રાઈવરનો એક્સીડેન્ટમાં ઘાયલ થયો હાથ
હકીકતમાં કુનાલ સિંહ રાજપૂત નામના એક ટ્વિટર યુઝરે સોનુ સૂદ અને નીતિ ગોયલને ટેગ કરીને ટ્વિટ કર્યું છે. તેણે લખ્યું- મારા પાડોશીનો એક્સીડેન્ટમાં હાથમાં ઈજા થઈ ગઈ છે. 6 મહિનાથી ઈલાજ ચાલી રહ્યો છે છતાં તેને સારું નથી થયું, કારણ કે તેને પ્રોપર ઈલાજ મળી રહ્યો નથી. તેણે રિક્શા ચલાવી પરિવારનું ગુજરાન ચલાવે છે. તે એકમાત્ર ઘરમાં કમાવનાર છે અને તેના નાના નાના બાળકો છે. જો તેને જલ્દી ઈલાજ ન મળ્યો તો તેનો હાથ કાપવો પડી શકે છે.
हाथ कैसे कटने देंगे भाई ?
आपकी सर्जरी 12th Oct को फ़िक्स है।
अपनी ऑटो में घुमा देना कभी। ❣️ https://t.co/JlgNfV8gjT
આ ટ્વિટનો જવાબ આપતા સોનુએ લખ્યું- હાથ કેવી રીતે કપાવા દઈશું ભાઈ. તમારી સર્જરી 12 ઓક્ટોબરે ફિક્સ છે. તમારી રિક્શામાં ક્યારેક ફરાવી દેજો. સોનુની આ મદદ બાદ એ યુવક ફરી રિક્શા ચલાવી શકશે. એક્ટરના આ નેક કામની લોકો ખૂબ પ્રસંશા કરી રહ્યા છે.
સોનુને મળ્યો સ્પેશિયલ એવોર્ડ
હાલમાં જ સોનુ સૂદને પ્રતિષ્ઠિત એસડીજી સ્પેશિયલ હ્યુમનટેરિયન એવોર્ડથી સન્માનિત કરવામાં આવ્યો છે. યૂનાઈટેડ નેશન્સ ડેવલપમેન્ટ પ્રોગ્રામ દ્વારા આ સન્માન અત્યાર સુધી સોનુ સૂદ સહિત ડેવિડ બેકહમ, એન્જેલિના જોલી, લિયોનાર્ડો ડિકેપ્રિયો, પ્રિયંકા ચોપડા જેવા સેલિબ્રિટીસને મળી ચૂક્યો છે.