કોરોના વાયરસને કારણે દેશભરમાં લોકડાઉન ચાલી રહ્યું છે. જેથી પોતાના વતન અને ઘરથી દૂર લાખો લોકો બીજા રાજ્યોમાં ફસાયેલા છે. જેના કારણે પરપ્રાંતિય મજૂરોએ ભયંકર મુશ્કેલીઓનો સામનો કરવો પડી રહ્યો છે. ઘણાં મજૂરો તો ખભા પર સામાન લઈને પગપાળા જ પોતાના વતન જવા નીકળી પડ્યાં છે. એવામાં બોલિવૂડ એક્ટર સોનુ સૂદ દિલ ખોલીને આ મજૂરોની ખૂબ મદદ કરી રહ્યો છે.
સોનુ સૂદની દરિયાદિલી જીતી લેશે તમારું દિલ
મજૂરો માટે સોનુએ કરી બસની વ્યવસ્થા
ત્યારે હવે ટ્વિટર પર લોકો સોનુથી માંગી રહ્યાં મદદ
તમને જણાવી દઈએ કે, સોનુ સૂદ પ્રવાસી મજૂરોને ઘરે પહોંચવામાં ખૂબ મદદ કરી રહ્યો છે. એકવાર ફરી સોનુએ સોશિયલ મીડિયા પ્લેટફોર્મ ટિવ્ટર દ્વારા ઘરવિહોણા લોકોનો સંપર્ક કર્યો છે અને મદદ કરી છે.
भई चक्कर लगाना बंद करो और Relax करो। दो दिन में बिहार में अपने घर का पानी पियोगे। details भेजो❣️ https://t.co/Ygne5gPuGz
હકીકતમાં મૂળ બિહારના રહેવાસી એક વ્યક્તિએ ટ્વિટ કરીને જણાવ્યું કે, તેઓ પોલીસ સ્ટેશનના ધક્કા ખાઈને થાકી ગયા છે. અત્યારે તેઓ ધારાવીમાં છે, પરંતુ કોઈ તેમની મદદ કરી રહ્યું નથી, એ ટ્વિટ પર સોનુએ એ વ્યક્તિને તેની ડિટેલ્સ મોકલવાનું કહ્યું. સોનુએ લખ્યું- ભાઈ ધક્કા ખાવાનું બંધ કરો અને નિશ્ચિંત થઈ જાઓ. 2 દિવસમાં બિહારમાં પોતાના ઘરનું પાણી પીતો હોઈશ. ડિટેલ્સ મોકલ.
એક અન્ય વ્યક્તિએ પણ ટ્વિટ કરીને સોનુ સૂદની મદદ માંગી. તેણે લખ્યું- સર પ્લીઝ ઈસ્ટ યૂપીમાં ક્યાંય પણ મોકલી દો. ત્યાંથી પગપાળા અમારા ગામ પહોંચી જઈશું. તેના પર સોનુએ જે જવાબ આપ્યો જાણીને ફેન્સ તેની ખૂબ પ્રસંશા કરી રહ્યાં છે. સોનુએ લખ્યું- ચાલીને કેમ જશો મિત્ર, નબંર મોકલો.
રોજ 45 હજાર લોકોને ખવડાવ્યું ખાવાનું
સોનુએ આ પહેલાં પણ બિહારના ઘણાં મજૂરોને તેમના વતન પહોંચ્યા છે. ટ્વિટરના માધ્યમથી લોકો તેનો સંપર્ક કરી રહ્યાં છે. સોનુ બધાંની મદદ કરી રહ્યો છે. સંકટના આ સમયમાં સોનુ સૂદ મજૂરો માટે બસોની વ્યવસ્થા કરવાની સાથે તેમના માટે ભોજનની વ્યવસ્થા પણ કરી રહ્યો છે.