સોનુ સૂદ જરૂરિયાતમંદોનો મસીહા બની ગયો છે. લોકો સોશિયલ મીડિયા પર તેની મદદ માંગે છે અને તે તરત મદદ માટે આગળ આવે છે. તેના નેક કામની બહુ લાંબી લિસ્ટ છે. ત્યારે હાલમાં જ સોનુએ યૂપીની એક દીકરીની મદદ કરીને તેનું જીવન હમેશા માટે બદલી દીધું. બીમારીને કારણે આ છોકરી પથારીમાં ઊભી નહોતી થઈ શકતી, પણ સોનુએ કરી બતાવી કમાલ.
સોનુ સૂદ જરૂરિયાતમંદોનો મસીહા બની ગયો છે
તેના નેક કામની બહુ લાંબી લિસ્ટ છે
હાલમાં જ સોનુ સૂદની મદદથી પોતાના પગ પર ઊભી થઈ UPની દીકરી
એક શખ્સે સોનુને ટેગ કરીને ટ્વિટ કર્યું-તમે પ્રતિભાનો ઈલાજ કરાવીને ઈતિહાસ રચી દીધો છે. ઉત્તરપ્રદેશ હમેશાં તમારો ઋણી રહેશે. સોનુ સૂદ આખા ભારતના પીડિતોનો અવાજ બની ચૂક્યો છે, 'કોટિ કોટિ પ્રણમ'
આના પર રિપ્લાય કરતા સોનુએ લખ્યું- જ્યારે બધાંએ કહી દીધું હતું કે પ્રતિભાની બીમારીનો કોઈ ઈલાજ નથી અને હવે તે વર્ષો બાદ પોતાના પગ પર ઊભી થશે. યૂપીની આ દીકરીની કહાનીએ ઈતિહાસ રચી દીધો છે.
ઉલ્લેખનીય છે કે, સોનુએ યુપીના ભદોહીની એક છોકરીની મદદ કરી છે. હકીકતમાં આ છોકરીનું અડધું શરીર સુન્ન પડી ગયું હતું. જેથી આ બીમારીને કારણે તે પથારીવશ રહેવા મજબૂર હતી. પરંતુ સોનુની મદદને કારણે હવે તેની સફળતાપૂર્વક સારવાર કરવામાં આવી છે. ડોકટરોના મતે તેની હાલતમાં ઘણો સુધાર થયો છે. એવામાં સોનુ માટે એક સ્પેશિયલ પોસ્ટ લખવામાં આવી છે, જેમાં સોનુનો ખૂબ ખૂબ આભાર વ્યક્ત કર્યો છે.