ચેતવણી / એવું તો શું થયું કે લોકોનો મસીહા બનેલો સોનુ ભડક્યો, કહ્યું- આ કામ બંધ કરી દો નહીંતર જેલ ભેગા થઈ જશો

• સોનુ સૂદ લોકડાઉન બાદથી સતત લોકોની મદદ કરી રહ્યો છે
• હવે સોનુ આવા લોકો પર ભડક્યો
• એક્ટરે ટ્વિટ કરીને આપી જાણકારી

તમને જણાવી દઈએ કે, એક ટ્વિટ પર તેણે અનેક જરૂરિયાતમંદ લોકોની અલગ અલગ રીતે મદદ કરી છે. ત્યારે આ દરમિયાન કેટલાક લોકો સોનુના નામનો ફાયદો ઉઠાવીને ગરીબો સાથે છેતરપિંડી કરી રહ્યાં છે. હાલમાં જ પોલીસે એક એવા જ શખ્સની ધરપકડ કરી છે, જે બાદ એક્ટરે ચેતવણી આપી છે. 

Thank you @cyberabadpolice @TelanganaCOPs @cpcybd @TelanganaDGP for helping us catch the culprits who are trying to cheat the needy.
Requesting all the frauds to stop their activities else they will be behind bars soon. Stop cheating poor people🙏 https://t.co/JrOIJAJA9R pic.twitter.com/nAkA7fbZRq

— sonu sood (@SonuSood) April 6, 2021

હકીકતમાં સોનુની સંસ્થાના એક બેંક ખાતાની સાથે છેતરપિંડી મામલે એક વ્યક્તિની ધરપકડ કરવામાં આવી છે. તેની ઓળખ ચંદન પાંડે તરીકે થઈ છે. પોલીસ તપાસમાં સામે આવ્યું કે સોનુથી જોડાયેલા એક બેંક ખાતામાંથી ચંદને 60 હજાર રૂપિયા ઉપાડ્યા હતા. જોકે, ચંદનનું કહેવું છે કે તેણે કોઈ બીજાના કહેવા પર આ પૈસા ઉપાડ્યા હતા અને તેના બદલે તેને કમીશન મળ્યું હતું. 

સોનુએ કહ્યું - ગુનેગારોને પકડવામાં મદદ કરો

હવે સોનુ સૂદે ટ્વિટર પર સાયબર અને તેલંગાણા પોલીસની પ્રશંસા કરતાં પોતાની પ્રતિક્રિયા આપી છે. તેણે ટ્વિટ કર્યું, 'જરૂરિયાતમંદોને છેતરનારા ગુનેગારોને પકડવામાં અમારી મદદ કરવા બદલ આભાર. હું તમામ છેતરપિંડી કરનારાઓને વિનંતી કરું છું કે તેઓ તેમની પ્રવૃત્તિઓ બંધ કરે નહીંતર તેઓ જેલના સળીયા પાછળ ધકેલી દેવામાં આવશે. ગરીબ લોકોને છેતરવાનું બંધ કરો. '

આ કેસમાં પોલીસ દરોડા પાડી રહી છે

હવે સોનુ સૂદના ચાહકો સોશિયલ મીડિયા પર તેની પ્રશંસા કરી રહ્યાં છે. સાથે જ પોલીસનું કહેવું છે કે આ કેસમાં ઘણાં આરોપીઓના નામ સામે આવ્યા છે અને તેલંગાણા પોલીસ હવે ઉત્તર બિહારના સીતામઢી સહિતના ઘણાં જિલ્લાઓમાં દરોડા પાડી રહી છે.