બોલીવુડ અભિનેતા સોનુ સુદે મોહાલીની ચંડીગઢ યુનિવર્સિટીની ઘટના પર ટ્વિટ કરીને તેને ખૂબ દુર્ભાગ્યપૂર્ણ ગણાવી છે.
ચંડીગઢ યુનિવર્સિટી એમએમએસ કાંડ પર ભડક્યા સોનુ સુદ
આ ઘટના પર ટ્વિટ કરીને તેને ખૂબ દુર્ભાગ્યપૂર્ણ ગણાવી
‘આ સમય આપણી બહેનોને સાથ આપવાનો છે’
વિદ્યાર્થીનીઓના સ્નાન કરતા વીડિયો સો.મીડિયામાં લીક થયા
ચંડીગઢ યુનિવર્સિટીમાં આજે એક ઘટનાએ આખા દેશને હચમચાવીને રાખી દીધી. મોહાલી સ્થિત ચંડીગઢ યુનિવર્સિટીમાં વિદ્યાર્થીનીઓના આપત્તિજનક વીડિયો બનાવવા અને તેને વાયરલ કરવાની ચર્ચાઓથી હડકંપ મચ્યો. ચંડીગઢ યુનિવર્સિટીના હોસ્ટેલમાં રહેતી વિદ્યાર્થીનીઓના સ્નાન કરતા વીડિયો સોશિયલ મીડિયામાં લીક થયા. જેને હોસ્ટેલની એક યુવતી પર શૂટ કરી યુવકોને મોકલવાનો આરોપ છે. આ ઘટના બાદ કોલેજની 4 યુવતીઓએ આત્મહત્યા કરવાનો પ્રયાસ કર્યો. જેમાંથી 2 વિદ્યાર્થીનીઓની સ્થિતિ ગંભીર છે. રિપોર્ટસ મુજબ આશરે 60 વિદ્યાર્થીનીઓના સ્નાન કરતા વીડિયો બનાવવાના સમાચાર સામે આવ્યાં છે.
આ સમય આપણી બહેનોને સાથ આપવાનો છે: સોનુ સુદ
આ ઘટના બાદ ફિલ્મ સ્ટાર સોનુ સુદે એક ટ્વિટ કરી કહ્યું કે અત્યારનો સમય પોતાની બહેનોને સાથ આપવાનો છે. અભિનેતાએ સોશિયલ મીડિયામાં ટ્વિટ કરી લખ્યું, ચંડીગઢ યુનિવર્સિટીમાં કશુક દુર્ભાગ્યપૂર્ણ ઘટ્યુ છે. આ સમય આપણી બહેનોને સાથ આપવાનો છે અને એક જવાબદાર નાગરિક હોવાનો પરિચય આપવાનો છે. આ સમય આપણી પરીક્ષાનો છે. પીડિત પક્ષની પરીક્ષાનો નહીં. જવાબદારીથી કામ લો. સોનુ સુદનુ આ ટ્વિટ સોશિયલ મીડિયામાં ઝડપથી વાયરલ થઇ રહ્યું છે.
Something that happened in Chandigarh University is very unfortunate. It’s time for us to stand with our sisters and set an example of a responsible society. These are testing times for us, not for the victims.
Be responsible 🙏
આ ઘટના સામે આવ્યાં બાદ પોલીસ અને વહીવટી તંત્ર એક્ટિવ છે. આ ઘટના સામે આવ્યાં બાદ પોલીસે આઈપીસીની કલમ-354 સી અને માહિતી ટેકનોલોજી અધિનિયમ હેઠળ કેસ નોંધી દેવામાં આવ્યો છે. મીડિયા રિપોર્ટસ મુજબ એક યુવકે શિમલામાંથી વિદ્યાર્થીનીને સ્નાન કરતો એક વીડિયોને સોશિયલ મીડિયામાં શેર કર્યો હતો. ત્યારબાદ વાયરલ થઇ ગયો.