બોલિવૂડ એક્ટર સોનુ સૂદ કોરોના કાળામાં દિલ ખોલીને લોકોની મદદ કરી રહ્યો છે અને રિયલ લાઈફ હીરો બની ગયો છે. ત્યારે હાલમાં જ એક ચાહકે સોનુ સૂદને મળવાની વિનંતી કરી, જેનો સોનુ સૂદે મજેદાર જવાબ આપ્યો.
સોનુ સૂદ સતત લોકોની મદદ કરી રહ્યો છે
હાલમાં જ એક ચાહકે સોનુને મળવાની વિનંતી કરી
સોનુએ આપ્યો મજેદાર રિપ્લાય
ચાહકે ટ્વિટર પર લખ્યું- સોનુ સર હું તમારો બહુ મોટો ફેન છું, પરંતુ હું તમને મળી નહીં શકું, મને ખબર છે. કદાચ હું તમને ક્યારેય નહીં મળી શકું. પણ બસ તમે એકવાર કહી દો કે આપણી મુલાકાત થશે. આ ટ્વિટનો જવાબ આપતા સોનુએ લખ્યું કે જરૂર મળીશું, પણ જે લીબું પાણી તમે પી રહ્યાં છો એ મારા માટે પણ લાવશો તો. એક્ટરના આ રિપ્લાયથી ફેન્સ ખૂબ કમેન્ટ્સ કરી રહ્યાં છે અને તેના વખાણ કરી રહ્યાં છે.
मिलूँगा ज़रूर।
अगर जो निम्बू पानी आप पी रहे हो मेरे लिए भी ले आओगे। 🤗 https://t.co/FRxZkfu3hE
ઉલ્લેખનીય છે કે, સોનુ હમેશાં તેના ફેન્સ માટે સ્પેશિયલ મેસેજ પોસ્ટ કરતો રહે છે. હાલમાં જ તેણે ફેન્સને સલાહ આપી, જેની ખૂબ પ્રસંશા થઈ રહી છે. સોનુએ ટ્વિટ કર્યું, કોઈને નીચે ખેંચવા કરતા ઓછી તાકાત કોઈનને શાબાશી આપવામાં લાગે છે. ક્યારેક પ્રયત્ન કરીને જુઓ.
સોનુના વર્કફ્રંટની વાત કરીએ તો તેણે હાલમાં જ ફિલ્મ પૃથ્વીરાજનું શૂટિંગ ફરી શરૂ કર્યું છે. આ ફિલ્મનો આ એક મોટો ભાગ શૂટ થઈ ગયો છે. હવે વાઈઆરએફ સ્ટુડિયો કોમ્પલેક્સમાં જ એક ભવ્ય સેટ તૈયાર કરવામાં આવ્યો છે. સાથે કોરોનાને કારણે તમામ સાવધાનીઓ સાથે અહીં શૂટિંગ કરવામાં આવશે. આ ફિલ્મનું દિગ્દર્શન ચંદ્રપ્રકાશ દ્વિવેદીએ કરી રહ્યાં છે.