બોલિવૂડ એક્ટર સોનૂ સૂદ કોરોના સંકટ દરમિયાન લોકડાઉનમાં પ્રવાસી મજૂરોને તેમના ઘરે પહોંચાડી ખૂબ ચર્ચામાં આવી ગયો છે. તેની દરિયાદિલીને કારણે તેને જનતાનો ખૂબ પ્રેમ મળી રહ્યો છે. જેના કારણે તે સતત સમાચારોમાં આવી રહ્યો છે. ત્યારે આ દરમિયાન સોનુ સૂદનો એક વીડિયો સોશિયલ મીડિયા પર ખૂબ જ વાયરલ થઈ રહ્યો છે. જેમાં તે તેના દિકરા ઈશાંત સૂદને તેની પીઠ પર ચઢાવીને પુશ અપ્સ લગાવતા જોવા મળી રહ્યો છે.
પ્રવાસી મજૂરોની મદદ કરીને ખૂબ ચર્ચામાં આવી ગયો એક્ટર સોનુ સૂદ
સોનુની દરિયાદિલી લોકોના હૃદયને સ્પર્શી ગઈ
તો હવે સોનુનો તેના દિકરા સાથેનો એક વીડિયો ખૂબ વાયરલ થઈ રહ્યો છે
સોનુએ જે વીડિયો શેર કર્યો છે તેમાં ક્યારે સોનુ તો ક્યારે તેનો દિકરો ઈશાંત એક પછી એક પુશ અપ્સ મારી રહ્યાં છે. વીડિયોને સુશાંતે તેના સોશિયલ મીડિયા એકાઉન્ટ પર શેર કર્યો છે અને કેપ્શનમાં લખ્યું છે ટ્વિનિંગ. સોનુના આ વીડિયો પર લોકો ખૂબ કમેન્ટ કરી રહ્યાં છે અને પ્રતિક્રિયા આપી રહ્યાં છે.
સોનુ સૂદના વર્કફ્રંટની વાત કરીએ તો સોનુએ 1999માં તમિલ ફિલ્મોથી તેના એક્ટિંગ કરિયરની શરૂઆત કરી હતી. હવે ટૂંક સમયમાં સોનુ સૂદ ફિલ્મ પૃથ્વીરાજમાં જોવા મળશે. આ ફિલ્મમાં સોનુની સાથે અક્ષય કુમાર અને માનુષી છિલ્લર મુખ્ય ભૂમિકામાં જોવા મળશે. આ ફિલ્મ 13 નવેમ્બર 2020માં રિલીઝ થશે.