બોલિવૂડ / ગેરકાયદેસર ઈમારત મુદ્દે સોનુ સૂદ સુપ્રીમ કોર્ટ પહોંચ્યો, બીએમસીની નોટિસ પર રોકની માંગ

• જુહુની ઇમારતને હોટલમાં બદલવાનો મામલો
• ગેરકાયદેસર નિર્માણ માટે બીએમસીએ નોટિસ ફટકારી હતી
• સોનુ પર સતત નિયમ તોડવાનો આરોપ

બીએમસીની મંજૂરી વગર બાંધકામ પર નોટિસ
સોનુ સૂદને મહારાષ્ટ્ર રેગ્યુલેશન એન્ડ ટાઉન પ્લાનિંગ એક્ટ અંતર્ગત નોટિસ મોકલવામાં આવી હતી. જેમાં જુહુ સ્થિત તેનાં 6 માળનાં આવાસીય ઈમારતને સોનુએ હોટલમાં ફેરવી દીધી હતી. જે બીએમસીની મંજૂરી લીધા વગર આ ફેરબદલ કરવાને લીધે સોનુ સૂદને નોટિસ મોકલવામાં આવી હતી. સોનુ પર રહેણાક ઇમારતને પરવાનગી વગર હોટલમાં બદલવા અંગેનો આરોપ લગાવવામાં આવ્યો છે.  

બીએમસી કમિશ્નરે આપી હતી આંશિક મંજૂરી
વકીલ ઉજ્જવલ આનંદ, ડી કુમાન્ન દ્વારા મોકલવામાં આવેલ નોટિસ અંગે સોન સૂદે કહ્યું કે બંગલામાં નિર્માણની આંશિક મંજૂરી બીએમસીનાં કમિશ્નરે આપી હતી. જે મુદ્દે હવે મુંબઈ કોસ્ટલ રેગ્યુલેશન ઝોન ઓથોરિટીની પરમિશન મળવાની રાહ જોવાઈ રહી છે. સોનુ સૂદે તેની અરજીમાં દલીલ કરી છે કે આ મુદ્દે તેને આંશિક મંજૂરી મળી ચૂકી છે માટે નોટિસ ના મોકલી શકાય. અગાઉ હાઇ કોર્ટે સોનુ સૂદની આ દલીલને ફગાવી દીધી હતી.

સોનુ સૂદ સતત ગેરકાયદેસર નિર્માણમાં સામેલ
ઉલ્લેખનીય છે કે બીએમસી તરફથી બોમ્બે હાઈકોર્ટમાં દલીલ કરવામાં આવી છે કે એક્ટર સોનુ સૂદ ગેરકાયદેસર નિર્માણ મામલે સતત નિયમો તોડી રહ્યો છે. બીએમસીની નજરે સોન સૂદ સતત ગેરકાયદેસર નિર્માણમાં સામેલ જોવા મળી રહ્યો છે.