બોલિવૂડ / સોનુ સૂદે કોરોનાને લઈને ડોક્ટરોને પૂછ્યા એવા 3 મહત્વના સવાલ કે મચ્યો ખળભળાટ, આગની જેમ વાયરલ થઈ ટ્વિટ

• સોનુ સૂદ મસીહા બની ગયો છે
• તે સતત લોકોની મદદ કરી રહ્યો છે
• હાલમાં જ સોનુએ ડોક્ટરોને પૂછ્યા આ સવાલ

દેશમાં કોરોનાની બીજી લહેરે કાળો કેર વર્તાયો છે ત્યારે સામાન્ય માણસથી લઈને બોલિવૂડ સેલેબ્સ પણ આ કપરાં સમયમાં મદદ માટે આગળ આવ્યા. જેમાં સૌથી ટોચ પર સોનુ સૂદનું નામ છે. તે લોકોની મદદ કરવા દિવસ રાત લાગેલો રહે છે. ત્યારે હાલમાં જ તેણે એક ટ્વિટ કરી છે. જેમાં તેણે ડોક્ટરોને કેટલાક સવાલ પૂછ્યા છે. સોનુના આ સવાલ તેના ફેન્સને પણ યોગ્ય લાગી રહ્યાં છે. 

One simple question:
When everyone knows a particular injection is not available anywhere,why does every doctor recommends that injection only?
When the hospitals cannot get that medicine then how will a common man get?
Why can't v use a substitute of that medicine &save a life?

— sonu sood (@SonuSood) May 18, 2021

સોનુ સૂદના લેટેસ્ટ ટ્વિટથી સોશિયલ મીડિયા પર ખળભળાટ મચી ગયો છે. હકીકતમાં તેણે ટ્વિટમાં લખ્યું- 'એક સિમ્પલ સવાલ છે, જ્યારે દરેકને ખબર છે કે આ ખાસ ઈન્જેક્શન ક્યાંય મળતું નથી, તો ડોક્ટરો કેમ લોકોને તેનો ઉપયોગ કરવાની સલાહ આપી રહ્યા છે? જ્યારે હોસ્પિટલોમાં આ દવા મળી નથી રહી તો પછી સામાન્ય માણસ તેને ક્યાંથી લાવી શકશે? લોકોને બચાવવા માટે બીજી કોઈ દવાનો ઉપયોગ કરી શકાય નહીં? 

સોનુ સૂદના આ ત્રણ સવાલો સામાન્ય લોકો પસંદ આવી રહ્યા છે. કેટલાક કહી રહ્યાં છે કે આ પ્રશ્નો એકદમ સાચા છે, તો પછી કેટલાક આને ડોકટરોનું કાવતરું કહી રહ્યાં છે. જેથી કાળા બાજારી થઈ શકે. યુઝર્સ તેની ટ્વિટ પર જબરદસ્ત પ્રતિક્રિયા આપી રહ્યા છે.

તમને જણાવી દઈએ કે અગાઉ સોનુ સૂદ પર ઓડિશાના ગંજામ જિલ્લાના ડીએમ દ્વારા તેની મદદ અંગે સવાલ ઉઠાવ્યા હતા. હકીકતમાં, બ્રહ્મપુરમાં એક દર્દીને સોનુએ હોસ્પિટલમાં બેડ અરેન્જ કરાવી દીધો હતો. જેની માહિતી સોનુએ તેના ટ્વિટર પર આપી હતી. આ અંગે સોમવારે ડીએમ દ્વારા એક ટ્વીટ કરવામાં આવ્યું હતું, જેમાં લખ્યું હતું કે 'સોનુ સૂદ દ્વારા કોઈ સંપર્ક કરવામાં આવ્યો નથી અને તે જે દર્દીને બેડ અરેન્જ કરાવ્યો હોવાની વાત કહી રહ્યો છે તે હોમ આઈસોલેશનમાં છે અને સ્થિર છે. ડીએમના આ ટ્વિટ પર સોનુ સૂદે જવાબ આપતા એક અન્ય ટ્વિટ કર્યું, જેમાં તેણે વ્હોટ્સએપ પર દર્દી સાથે થયેલી વાતચીતનો સ્ક્રીનશોટ શેર કર્યો હતો.