સોનુ સૂદ સતત પ્રવાસી મજૂરોની મદદ કરી રહ્યો છે અને તેના આ નેક કામની ખૂબ વાહવાહી થઈ રહી છે. સોનુ સૂદે મુંબઈમાં ફસાયેલા હજારો મજૂરોને ટ્રેન અને બસ દ્વારા ઉત્તરપ્રદેશ, બિહાર અને ઝારખંડ સહિતના ઘણાં રાજ્યોમાં મોકલ્યા. ત્યારે હવે એક્ટર વિમાનમાં પ્રવાસીઓને તેમના વતન પહોંચાડવામાં મદદ કરી રહ્યો છે.
હવે પ્રવાસીઓને ઘરે મોકલવા સોનુએ અપનાવ્યો નવો રસ્તો
સોનુ સૂદે મુંબઈના લોકડાઉનમાં ફસાયેલા ઉત્તરાખંડના 180 પ્રવાસીઓ શુક્રવારે સવારે ફ્લાઈટથી ઘરે મોકલ્યા. આ લોકોમાં પ્રેગ્નેટ મહિલાઓ, દિવ્યાંગ અને વૃદ્ધ લોકો સામેલ હતા. એક્ટરે આ લોકો સાથે સોશિયલ મીડિયા પર તેની #GharBhejo પહેલ અંતર્ગત સંપર્ક કર્યો હતો. એરપોર્ટ પર પ્રવાસીઓને ઘરે મોકલવાનો સોનુ સૂદનો એક વીડિયો ખૂબ વાયરલ થઈ રહ્યો છે.
સોનુએ કહ્યું-લોકોને ઘરે મોકલવા માટે વ્યક્તિગત જવાબદારી છે
લોકોને ઘરે મોકલાને લઈને સોનુએ કહ્યું, હું ખરેખર ખૂબ ખુશ છું કે લોકો મારી પાસે પહોંચી રહ્યા છે. મને લાગે છે કે, આ પ્રવાસીઓને ઘરે પહોંચવામાં મદદ કરવી મારી વ્યક્તિગત જવાબદારી છે અને જેમ મેં પહેલાં કહ્યું કે, જ્યાં સુધી દરેક પ્રવાસી મજૂરનેતેના ઘરે નહીં પહોંચાડી દઉં ત્યાં સુધી હું આ કામ કરતો રહીશ.