એક તરફ સમગ્ર દેશમાં કોરોના વાયરસે કહેર વરસાવ્યો છે તો જાણીતા ફિલ્મ સ્ટાર સોનુ સૂદ શ્રમિકોને વતન પહોંચાડવાનું ભગીરથ કાર્ય કરી રહ્યા છે અને તેઓ લોકોમાં ચર્ચાનો વિષય બન્યા છે તો કેટલાક શ્રમિકો તેમને દેવદૂત સમાન ગણી રહ્યા છે ત્યારે સોશિયલ મીડિયામાં સોનુ સૂદનો 23 વર્ષ જૂનો પાસ ખૂબ જ મોટા પાયે વાયરલ થઇ રહ્યો છે.
સોનુ સૂદનો 23 વર્ષ જુનો પાસ સોશિયલ મીડિયામાં વાયરલ
અભિનેતાએ ટ્વીટ કરી આપ્યો જવાબ- જીંદગી એક સમગ્ર ચક્ર છે
તાજેતરમાં જ સોનુ સૂદના એક ચાહકે 23 વર્ષ જુનો લોકલનો પાસ શેર કર્યો હતો. જેમાં લખ્યું હતું. જેણે સાચે જ સંઘર્ષ કર્યો હોય તેને બીજાની પીડા વિશે ખબર પડે છે. સોનુ સૂદ એક સમયે 420 રૂપિયાવાળી લોકલનો પાસ લઇને સફર ખેડતા હતા. તેની રિપોસ્ટ કરતા સોનુએ લખ્યું હતું કે, જીંદગી એક સમગ્ર ચક્ર છે.
સામે આવેલો આ પાસ 1997નો છે. જ્યારે તેઓ માત્ર 24 વર્ષના હતા. મોગા જિલ્લાથી મુંબઇ આવીને સોનુએ ઘણાં વર્ષો સુધી સંઘર્ષ કર્યો હતો, ત્યારબાદ સોનુને વર્ષ 1999 માં તમિળ ફિલ્મમાં બ્રેક મળ્યો હતો.
જો કે, ત્યારબાદ તેનું ટેલેન્ટ જોઈને તેણે સતત કામ મળતું રહ્યું. 'શહીદ-એ-આઝમ'થી બોલિવૂડમાં એન્ટ્રી લેનાર સોનુની સ્ટ્રગલ જર્ની અત્યંત મુશ્કેલ હતી. આવી સ્થિતિમાં, દરેક વ્યક્તિ માટે તેમના સંઘર્ષના દિવસોમાં આગળ આવવાની પ્રેરણા છે.