અભિનેતા સોનૂ સૂદ 'સોનૂ ફોર યૂ' નામથી એક બ્લડ બેન્ક એપ શરૂ કરવા જઈ રહ્યો છે. તેને દેશમાં મોટા પાયે લોન્ચ કરવામાં આવશે. આ અંગે સોનુએ પોતે એક વીડિયો શેર કર્યો છે.
સોનુ સૂદના નામે એક એપ તૈયાર કરવામાં આવી રહી છે
આ બ્લડ બેંક તરીકે કરશે કામ
આ એપની મદદથી લોકોને મળશે સુવિધા
કોરોનાકાળ શરૂ થયો ત્યારથી જ સોનુ સૂદે સમાજ સેવાનું મિશન શરૂ કર્યું અને તે અત્યાર સુધી ચાલુ છે. સોનુ સૂદ લોક સેવા માટે જુદા જુદા પ્રોજેક્ટ્સ લઈને આવી રહ્યો છે. ત્યારે હવે સોનુ એક એપ બનાવવા જઈ રહ્યો છે, જે બ્લડ બેંક તરીકે કામ કરશે. આ એપનું નામ છે Sonu For You.
IANSની રિપોર્ટ મુજબ, જરૂરિયાતમંદ લોકો આ એપ્લિકેશન દ્વારા રક્તદાતા સાથે જોડાઈ શકે છે. જરૂરિયાતમંદની રિક્વેસ્ટ જેવી ડોનર સુધી પહોંચશે એમ તરત જ ડોનર હોસ્પિટલ પહોંચીને મદદ કરી શકે છે. સોનુ સૂદે દાવો કર્યો છે કે આ એપ દ્વારા રેર બ્લડ ગ્રુપના દર્દીઓ પણ મદદ કરવામાં આવશે.
રિપોર્ટ અનુસાર સોનુ સૂદે કહ્યું કે આ એપ માત્ર તેની જ નહીં પરંતુ તેના મિત્ર જૉનસનના વિચારનું પરિણામ છે. તેણે કહ્યું, જ્યારે પણ બ્લડની જરૂર કોઈને થાય છે તો તે સોશિયલ મીડિયા પર શેર કરે છે. જેના પર ઘણાં લોકો પોતાની પ્રતિક્રિયા જાહેર કરે છે. એવામાં જો કોઈ એપ તૈયાર કરવામાં આવે તો બ્લડ ડોનરને લોકો સુધી પહોંચવામાં મદદ મળશે. સાથે જ તેણે કહ્યું કે, ઘણી વખત બ્લડ બેંક જઈને બ્લડ ગ્રુપ સર્ચ કરવામાં ઘણી પરેશાની થાય છે. રેર બ્લડ ગ્રુપમાં તો બહુ મુશ્કેલી થાય છે. જેના કારણે વ્યક્તિના જીવનું જોખમ રહે છે.
રિપોર્ટ્સ અનુસાર, દર વર્ષે લગભગ 12 હજાર લોકોની મોત સમય પર લોહી ન મળવાને કારણે થાય છે. સોનુ સૂદે કહ્યું કે આ એપ દ્વારા અમે લોકોના જીવને બચાવવા માંગીએ છીએ. આ માટે સોનુ સૂદે તેના ઓફિશિયલ ઇન્સ્ટાગ્રામ હેન્ડલ પર એક ટ્વીટ પણ કર્યું છે.
સોનુ ફોર યુ એપ્લિકેશન કેવી રીતે કામ કરશે
હાલમાં આ એપ્લિકેશન પ્લે સ્ટોર પર ઉપલબ્ધ નથી. પરંતુ તે ટૂંક સમયમાં ઉપલબ્ધ કરવામાં આવશે. આ એપ્લિકેશન દ્વારા કટોકટીમાં લોહીની જરૂર હોય તેવા લોકો મદદ કરી શકશે. આ એપ દ્વારા લોકો બ્લડ ડોનરને સરળતાથી મળી શકશે. જ્યારે કોઈ વ્યક્તિને દાતાની જરૂર હોય, ત્યારે તે આ એપ્લિકેશનથી તેને શોધી શકે છે અને એપ્લિકેશન દ્વારા જ દાતાને રિક્વેસ્ટ મોકલી શકે છે. ડોનરને રિક્વેસ્ટ મળતા જ તેહોસ્પિટલમાં જઈને રક્તદાન કરી શકે છે. એવું કહેવામાં આવી રહ્યું છે કે આ એપ્લિકેશન દેશની સૌથી મોટી બ્લડ બેંક હોઈ શકે છે.