વેસ્ટ ઈન્ડીઝના દિગ્ગજ સ્પિનર સોની રામદીનનું નિધન થયુ છે. તેઓ 92 વર્ષના હતા. સોની ઈંગ્લેન્ડની જમીન પર વર્ષ 1950માં પહેલી વખત શ્રેણી જીતનારી વેસ્ટ ઈન્ડીઝની ટીમના સભ્ય પણ રહ્યાં. વેસ્ટ ઈન્ડીઝ ક્રિકેટે તેના નિધનની જાણકારી આપી.
વેસ્ટ ઈન્ડીઝના દિગ્ગજ સ્પિનર સોની રામદીનનું નિધન
1950માં વેસ્ટ ઈન્ડીઝની ટીમે ઈંગ્લેન્ડને તેની જમીન પર હરાવ્યું હતુ
રામદીને 1957માં ટેસ્ટ ઈનિંગમાં સૌથી વધુ બોલ ફેંકવાનો રેકોર્ડ નોંધાયેલો
સોની રામદીનના નામે વિશ્વ રેકોર્ડ નોંધાયેલો છે
સોનીના નામે આજે પણ એક વિશ્વ રેકોર્ડ નોંધાયેલો છે, જેને 65 વર્ષમાં પણ કોઈ તોડી શક્યો નથી. રામદીને 1957માં ટેસ્ટ ઈનિંગમાં સૌથી વધુ બોલ ફેંકવાનો રેકોર્ડ બનાવ્યો હતો. ઈંગ્લેન્ડ સામે 1950માં ઓલ્ડ ટ્રેફર્ડમાં પદાર્પણ કરનારા રામદીને તેમની કારકિર્દીમાં 43 ટેસ્ટ મેચ રમી અને 28.98ની સરેરાશથી 158 વિકેટ લીધી. સીડબ્લ્યુઆઈના અધ્યક્ષ રિકી સ્કેરિટે રવિવારે કહ્યું, વેસ્ટ ઈન્ડીઝ ક્રિકેટ તરફથી હું વેસ્ટ ઈન્ડીઝના સર્વોચ્ચ ખેલાડીઓમાં સામેલ રહેલા સોની રામદીનના પરિવાર અને મિત્રો પ્રત્યે સહાનુભૂતિ દર્શાવુ છુ.
One of the mainstays of the West Indies team of the 1950s, Sonny Ramadhin has passed away.https://t.co/7lO8GB5Xic
તેમણે કહ્યું, વિશ્વ ક્રિકેટમાં ડગ માંડતા જ રામદીને પોતાનો પ્રભાવ છોડ્યો. 1950ના સમયમાં તેમની શાનદાર સિદ્ધીઓની ઘણી કહાનીઓ સાંભળવામાં આવે છે, જ્યારે તેમણે એલ્ફ વેલેન્ટાઈનની સાથે મળીને ક્રિકેટની સ્પિન ટ્વિન જોડી બનાવી. જેનાથી વેસ્ટ ઈન્ડીઝ ટીમે ઈંગ્લેન્ડને પ્રથમ વખત તેની જમીન પર હરાવ્યું.
રામદીને એક જ મેચમાં કુલ 774 બોલ ફેંક્યા હતા
સોની રામદીને ઈંગ્લેન્ડમાં વેસ્ટ ઈન્ડીઝની પ્રથમ ટેસ્ટ જીત્યા તે વખતે લોર્ડસમાં રમાયેલી મેચમાં 152 રન આપીને 11 વિકેટ લીધી. વેસ્ટ ઈન્ડીઝે 1950ની આ શ્રેણી 3-1થી જીતી હતી. સોની રામદીને 1957માં બર્મિઘમમાં ઈંગ્લેન્ડ સામે ટેસ્ટ મેચની એક ઈનિંગમાં કુલ 98 અથવા 588 બોલ ફેંક્યા હતા અને વિશ્વ રેકોર્ડ બનાવ્યો હતો. આ મેચમાં તેમણે કુલ 774 બોલ ફેંક્યા અને બંને વર્લ્ડ રેકોર્ડ આજ સુધી હયાત છે. જો કે, આ મેચ ડ્રો રહી હતી. રામદીન આ ઈનિંગમાં કુલ 2 વિકેટ લઇ શક્યા. તેમના 98 ઓવરમાંથી 35 ઓવર મેડન રહ્યા હતા. આ મેચની પહેલી ઈનિંગમાં પણ રામદીને 31 ઓવરની બોલિંગ કરી અને 7 બેટ્સમેનોને પેવેલિયન મોકલ્યા હતા.