રાજનીતિ / મહારાષ્ટ્રમાં રાજકીય ખેંચતાણ? સોનિયા ગાંધીએ ઉદ્ધવ ઠાકરેને લખ્યો એવો પત્ર કે NCP છંછેડાયું

• મહારાષ્ટ્રના રાજકારણમાં નવા-જૂનીના એંધાણ?
• સોનિયા ગાંધીના પત્રથી NCP નારાજ 
• પછાત લોકો માટે કરવામાં આવેલ વાયદા પૂર્ણ કરવાનું પત્રમાં કરાઇ છે જાણ

ઉલ્લેખનીય છે કે, મહારાષ્ટ્રની ત્રીજી સાથી રાષ્ટ્રીય કોંગ્રેસ પાર્ટી નારાજ થઇ છે. એનસીપીના વલણને જોતા કોંગ્રેસે કહ્યું છે કે સોનિયા ગાંધીના પત્રને સંઘર્ષ તરીકે નહીં પણ વાતચીત તરીકે જોવો જોઈએ. એનસીપીના વલણને ધ્યાનમાં લઇને આવી અટકળો કરવામાં આવી રહી છે કે મહારાષ્ટ્રમાં બધુ બરાબર ચાલી રહ્યું નથી.

પત્રમાં શું લખ્યું છે સોનિયા ગાંધીએ 

કોંગ્રેસના વચગાળાના પ્રમુખ સોનિયા ગાંધીએ મહારાષ્ટ્રના મુખ્યમંત્રી ઉદ્ધવ ઠાકરેને રાજ્યમાં અનુસૂચિત જાતિ અને અનુસૂચિત જનજાતિ સમુદાયોના વિકાસ માટે વસ્તીના પ્રમાણમાં બજેટ ફાળવવા સહિત ચાર મુદ્દાની પહેલ કરવા જણાવ્યું છે. તેમણે કહ્યું કે, કોંગ્રેસ પક્ષ દલિત, વંચિત અને પછાત વર્ગના કલ્યાણ માટે પ્રતિબદ્ધ છે. મહારાષ્ટ્રમાં ગઠબંધન સરકારમાં જોડાવાથી, અમે આ વર્ગો પ્રત્યેની આપણી જવાબદારી પ્રત્યે વધુ સભાન છીએ.

મહારાષ્ટ્રના રાજકારણમાં ચાલી રહ્યું છે ઘમાસાણ

મહારાષ્ટ્રનું રાજકારણમાં ઘમાસાણ ચાલી રહ્યું છે કારણ કે શિવસેના, એનસીપી અને કોંગ્રેસ, જે એક સાથે સરકાર ચલાવી રહ્યા છે, જાન્યુઆરીમાં યોજાનારી ગ્રામ પંચાયતની ચૂંટણીમાં અલગથી લડવાની જાહેરાત કરી છે. આપને જણાવી દઈએ કે અગાઉ ઉદ્ધવ ઠાકરેએ જાહેરાત કરી હતી કે મહારાષ્ટ્રમાં વિકાસ આગાડી ગઠબંધન હવે દરેક ચૂંટણી એક સાથે લડશે.

આપને જણાવી દઇએ કે, મહારાષ્ટ્ર સરકારમાં છેલ્લા કેટલાક સમયગાળાથી ઘમાસાણ ચાલી રહી છે. કોંગ્રેસ નેતા રાજ્યમાં જે રીતે સરકાર ચાલી રહી છે તે મુદ્દે નારાજગી જોવાઇ રહી છે. રાજ્યમાં મોટા ભાગના નેતાઓને લાગી રહ્યું છે કે, મહારાષ્ટ્રની સરકાર શિવસેના અને NCBના હાથમાં ચાલી ગઈ છે.