બદલાવ / કોંગ્રેસના માળખામાં ધરખમ ફેરફાર, ગુલામ નબીની મહાસચિવ પદેથી હકાલપટ્ટી, નવી સ્પેશ્યલ કમિટીની પણ રચના

કોંગ્રેસના પ્રેસિડેન્ટ સોનિયા ગાંધીએ શુક્રવારે સમગ્ર AICCમાં ફેરફારો કર્યા છે અને 9 નેતાઓને જનરલ સેક્રેટરીના પદે રાખ્યા છે. 

કયા સભ્યોને હટાવવામાં આવ્યા?

ગુલામ નબી આઝાદ, મોતીલાલ વોરા, અંબિકા સોની, મલ્લિકાર્જુન ખાર્ગે, લુઈઝીનો ફલેઈરો, અનુરાગ નારાયણ સિંહ, આશા કુમારી, ગૌરવ ગોગોઈ અને રામ ચંદ્ર ખુંટીઆને તેમના જનરલ સેક્રેટરી અને ઇન્ચાર્જના પદેથી હટાવવામાં આવ્યા. 

જનરલ સેક્રેટરી તરીકે કયા સભ્યો?

1. મુકુલ વાસનિક 
2. હરીશ રાવત 
3. ઓમેન ચંડી 
4. તારીક અનવર 
5. પ્રિયંકા ગાંધી વાડ્રા 
6. રણદીપ સિંહ સુરજેવાલા 
7. અજય માકેન 
8. કે સી વેણુગોપાલ

કોંગ્રેસે તેની વર્કિંગ કમિટી (CWC) અને સેન્ટ્રલ ઈલેકશન ઓથોરિટીમાં કર્યા મહત્વના ફેરફાર, ગુલામ નબી આઝાદનું AICC જનરલ સેક્રેટરી પદેથી પત્તું કપાયું@INCIndia @INCGujarat @RahulGandhi @AmitChavdaINC @HardikPatel_ ! @ghulamnazad pic.twitter.com/fXiQ5a951O

— VTV Gujarati News and Beyond (@VtvGujarati) September 11, 2020

ગુલામ નબી આઝાદને હટાવી દેવાયા

જમ્મુ અને કાશ્મીરના પૂર્વ મુખ્યમંત્રી ગુલામ નબી આઝાદે થોડા સમય પહેલા સોનિયા ગાંધીને પત્ર લખીને પક્ષમાં માળખાગત ફેરફારો કરવાની અપીલ કરી હતી. તેમને હરિયાણાના ઇન્ચાર્જ પદેથી હટાવીને તેમની જગ્યાએ વિવેક બંસલને હરિયાણાના ઇન્ચાર્જ પદે મુકવામાં આવ્યા છે. આ સાથે રાહુલ ગાંધીના ખાસ રણદીપ સુરજેવાલાનું કદ વધ્યું છે. તેમને પક્ષના જનરલ સેક્રેટરી ઉપરાંત કર્ણાટકના ઇન્ચાર્જ તરીકેની જવાબદારી સોંપવામાં આવી છે. 

ગુજરાતમાં સ્થિતિ યથાવત

બીજી બાજુ કોંગ્રેસ રાજ્યોના પ્રભારીઓની પણ નિમણૂક કરી છે. જેમાં રાજીવ સાતવને ગુજરાતના પ્રભારી તરીકે યથાવત્ રખાયા છે. તેમ જ બિહાર અને દિલ્હીના પ્રભારી તરીકે શક્તિસિંહ ગોહિલને પણ યથાવત રખાયા છે.

CWCની પણ ફરીથી રચના કરવામાં આવી હતી અને હવે કોંગ્રેસ વર્કિંગ કમિટીમાં 22 સભ્યોને સ્થાન આપવામાં આવ્યું છે. 

સોનિયા ગાંધીએ એક સ્પેશ્યલ કમિટીની પણ રચના કરી

24 ઓગસ્ટના રોજ મળેલી CWCની મીટિંગમાં ચર્ચા દરમ્યાન એક સ્પેશ્યલ કમિટી બનાવવાનું પણ નક્કી થયું હતું. જેના હેઠળ 6 સભ્યોની એક કમિટી બનાવવામાં આવી છે જે સોનિયા ગાંધીને આસિસ્ટ કરશે. આ કમિટીમાં

1. એ. કે એન્ટની
2. અહેમદ પટેલ
3. અંબિકા સોની
4. કે.સી વેણુગોપાલ
5. મુકુલ વાસનિક
6. રણદીપસિંહ સુરજેવાલાનો સમાવેશ થાય છે

આ સાથે જ સેન્ટ્રલ ઈલેક્શન ઓથોરિટીમાં પણ ફેરફાર કરીને 5 સભ્યોની નિમણુંક કરવામાં આવી છે.