દિલ્હી / કોંગ્રેસ અધ્યક્ષ સોનિયા ગાંધી સારવાર માટે વિદેશ રવાના થયા, રાહુલ પણ ગયા સાથે, મોનસૂન સત્રમાં નહીં લે ભાગ

• સોનિયા ગાંધી સારવાર માટે વિદેશ જવા રવાના
• રાહુલ ગાંધી પણ તેમની સાથે વિદેશ ગયા 

સૂત્રોના જણાવ્યા અનુસાર લૉકડાઉન હોવાને કારણે સોનિયા ગાંધી રૂટિન ચેકઅપ માટે જઈ શક્યા ન હતા. હવે વિદેશોમાં પણ કોરોનાને લઇને સ્થિતિ સુધરી રહી છે, ત્યારબાદ હવે તેઓ રાહુલ ગાંધી સાથે વિદેશ જવા માટે રવાના થયાં છે. સૂત્રોએ જણાવ્યું હતું કે સોનિયા ગાંધી અમેરિકા જશે.

કોંગ્રેસમાં સંગઠનમાં તાજેતરમાં મોટો બદલાવ થયો

એવું કહેવામાં આવી રહ્યું છે કે સોનિયા ગાંધીએ સંસદીય વ્યૂહરચના જૂથ સાથે બેઠક યોજી છે, જેમાં તેમણે મુખ્ય મુદ્દાઓ ઉભા કર્યા છે જે રાષ્ટ્રને અસર કરી રહ્યા છે. આ સમય દરમિયાન, તેમણે બંને ગૃહોમાં વધુ સારા સંકલન માટે સ્પષ્ટ સૂચના આપી છે.

આ પહેલા શુક્રવારે કોંગ્રેસમાં સંગઠનમાં મોટો બદલાવ થયો હતો. આ ફેરબદલનો સૌથી મોટો ફાયદો રાહુલ ગાંધીના વફાદાર રણદીપસિંહ સુરજેવાલાને મળ્યો છે. સુરજેવાલા હવે કોંગ્રેસ અધ્યક્ષને સલાહ આપવા માટે છ સભ્યોની વિશેષ સમિતિનો ભાગ છે.