રાજકારણ / 2024ની ચૂંટણી માટે થવું પડશે એકજૂટ, 19 પાર્ટીના નેતાઓ સાથેની સોનિયા ગાંધીની બેઠક બાદ રાજકારણ ગરમાયું

• સોનિયા ગાંધીએ 19 વિપક્ષી પાર્ટી સાથે કરી બેઠક 
• 2024ને લઈને વિપક્ષને એક થવા કહ્યું 
• મતભેદ ભૂલીને સાથે કામ કરવાની આપી સલાહ 

કોંગ્રેસ અધ્યક્ષ સોનિયા ગાંધીએ વિપક્ષી દળો સાથે વર્ચુઅલ બેઠક કરી હતી. જેમા સોનિયાગાંધીએ કુલ 19 પાર્ટીઓ સાથે બેઠક કરી. સોનિયા ગાંધીએ બદીજ વિપક્ષ પાર્ટીઓને કહ્યું કે ચૂંટણી માટે યોજના બનાવવી પડશે. સાથેજ તેમણે કહ્યું કે અંદરો અંદર જે પણ મતભેદ ચાલી રહ્યા છે, તે મતભેદને ભૂલીને કામ કરવું પડશે. 

2024ની ચૂંટણી માટે ચર્ચા કરવામાં આવી 

સોનિયા ગાંધીએ એવું કીધું કે આપણી પાસે કોઈ વિકલ્પ નથી એટલે સાથે મળીને કામ તો કરવું પડશે. આ બેઠકમાં તૃણમૂલ કોંગ્રેસ, એનસીપી. ડીએમકે, શિવસેના, સીપીઆઈ, સીપીએમ, નેશનલ કોંગ્રેસ, આરજેડી સહિતની મોટાભાગની બધીજ પાર્ટીઓ સામેલ થઈ હતી. જેમા 2024ની ચૂંટણીની રણનીતી ઘડવા માટે ચર્ચા કરવામાં આવી હતી.

2024ની ચૂંટણી અંતિમ લક્ષ્ય 

સોનિયા ગાંધીએ આ બેઠકમાં કહ્યું કે આપણા બધાની અલગ અલગ સમસ્યા છે. પરંતુ હવે સમય આવી ગયો છે. કે દેશના હિતા માટે આપણે એક થઈએ. 2024ની ચૂંટણી અંતિમ લક્ષ્ય છે તે વાતનો પણ તેમણે ઉલ્લેખ કર્યો હતો. સાથેજ સોનિયા ગાંધીએ એવું પણ કહ્યું સાથે મળીને કામ કર્યા સિવાય આપણી પાસે બીજો કોઈ વિકલ્પ નથી. 

વિધાનસભાની ચૂંટણીઓ પહેલા એક થવાની સલાહ 

આવતા વર્ષે જે ઘણા રાજ્યોમાં વિધાનસભા ચૂંટણી થવાની છે. જેથી આ બેઠકમાં વિપક્ષી દળઓ એકજુટ થવાની વાતો કરી હતી. થોડા સમય પહેલા તૃણમૂલ કોંગ્રેસના પ્રમુખ મમતા બેનર્જીએ પણ સોનિયા ગાંધી સાથે મુલાકાત કરી હતી. જેમા તેમણે 2024 પહેલા વિપક્ષી દળોને એક કરવાની વાત કરી હતી. જેથી ભાજપ સામે ટક્કર લઈ શકાય. 

લાંબા સમયબાદ સોનિયા ગાંધી મેદાને ઉતર્યા 

ઉલ્લેખનીય છે ભલે 2024ને હજું ત્રણ વર્ષ બાકી હોય પરંતુ દરેક પાર્ટી દ્વારા 2024ની લોકસભા ચૂંટણીની તૈયારીઓ પૂરજોશમાં થઈ રહી છે. જેમા કોંગ્રેસ માંથી સોનિયા ગાંધી પણ લાંબા સમય બાદ મેદાનમાં ઉતર્યા છે.