બોલિવૂડ અભિનેત્રી આલિયા ભટ્ટની માતા સોની રઝદાન સોશિયલ મીડિયા પર ઘણી એક્ટિવ રહે છે. ત્યારે હાલમાં જ સોની રઝદાને બે વીડિયો શેર કર્યા છે. જેમાં સ્વિમિંગ પૂલમાં સાપ તરતો દેખાઈ રહ્યો છે. સોની રઝદાનનો આ વીડિયો જોઈને રણબીર કપૂરની મોમ નીતૂ કપૂરે પણ કમેન્ટ કરી છે.
આલિયા ભટ્ટની મોમ સોની રઝદાને શેર કર્યો સ્વિમિંગ પૂલનો વીડિયો
તમને જણાવી દઈએ કે, સોની રઝદાને બે વીડિયો શેર કર્યા છે. જેમાં સ્વિમિંગ પુલ પાણીથી છલોછલ ભરેલાં દેખાઈ રહ્યાં છે. મુંબઈમાં ચોમાસાની શરૂઆત થઈ ચૂકી છે. ત્યારે સોની રઝદાને વીડિયો શેર કરીને લખ્યું- અમારા સ્મિમિંગ પૂલમાં એક મહેમાન આવ્યો છે. કદાચ પાણી પીવા આવ્યો હશે પણ તે સ્વિમિંગ પૂલમાં પડી ગયો અને પછી તે ઝાડીઓમાં ચાલ્યો ગયો.
સોની રઝદાનનો આ વીડિયો જોઈને રણબીર કપૂરની માતા નીતૂ કપૂર પણ કમેન્ટ કરી છે અને લખ્યું આ તો ડરામણું છે. સોની રઝદાને નીતૂની કમેન્ટનો જવાબ આપતા લખ્યું- 9 વર્ષમાં પહેલીવાર મેં અહીં સાપ જોયો છે.
આલિયા ભટ્ટ અને રણબીર કપૂર બન્નેએ સાથે પહેલીવાર ફિલ્મ બ્રહ્માસ્ત્રમાં કામ કર્યું છે. જેની રિલીઝની રાહ જોવાઈ રહી છે. આ ફિલ્મમાં અમિતાભ બચ્ચન પણ જોવા મળશે. આ ઉપરાંત આ જોડી લગ્નને લઈને પણ ચર્ચામાં છે. જોકે, લોકડાઉન દરમિયાન આ ન્યૂઝ વિરામ લાગ્યા છે અને બન્ને પરિવારમાં એક દુઃખદ ઘટના પણ બની હતી. 30 એપ્રિલ 2020ના રોજ રણબીર કપૂરના પિતા રીષિ કપૂરનું નિધન થયું હતું.