ગુરુવારે ફિલ્મ મલંગનું સ્પેશિયલ સ્ક્રીનિંગ રાખવામાં આવ્યું હતું. જેમાં અનેક બોલિવૂડ હસ્તીઓએ હાજરી આપી હતી. એક્ટ્રેસ સોનમ કપૂર સ્ક્રીનિંગમાં પિતા અનિલ કપૂર સાથે પહોંચી હતી. બોલિવુડની ફેશનિસ્ટા કહેવાતી સોનમે બ્લેક રંગનો ડ્રેસ પહેર્યો હતો. જેનો એક ભાગ શિયર (ટ્રાન્સપરન્ટ) ફેબ્રિકનો હતો.
મલંગ ફિલ્મના સ્ક્રિનિંગમાં આવી રીતે પહોંચી સોનમ
ફેસનિસ્ટા તેના કપડાંને લઈને થઈ ટ્રોલ
શિયર ડ્રેસ અને ડીપ નેકમાં આવી દેખાઈ એક્ટ્રેસ
સોનમ આ ડ્રેસમાં સ્ટનિંગ લાગી રહી હતી, પરંતુ ટ્રોલર્સને તેનો આ અંદાજ પસંદ ના આવ્યો. ઘણા સોશિયલ મીડિયા યુઝર્સને લાગ્યું કે સોનમ પપ્પા સાથે બોલ્ડ ડ્રેસ પહેરીને પહોંચી છે. બસ પછી શું, સોશિયલ મીડિયા પર સોનમને લોકોએ ટ્રોલ કરવાની શરૂ કરી દીધી. ઈન્સ્ટાગ્રામમાં શેર કરેલા વીડિયોમાં લોકોએ કમેન્ટ કરીને તેને ખૂબ ટ્રોલ કરી છે.
એક યૂઝરે લખ્યું, વાહ પોતાના પિતા સાથે આવા કપડાં પહેરીને ઊભી છે? આ લોકોને કોઈ જ શરમ નથી. જ્યારે અન્ય યુઝરે લખ્યું, થોડી તો શરમ કરો અને એક યુઝરે તો વ્યવસ્થિત કપડાં પહેરવાની સલાહ પણ આપી દીધી.
આ પહેલીવાર નથી જ્યારે સોનમને તેના કપડાંની પસંદગી માટે ટ્રોલ કરવામાં આવી હોય. હાલમાં જ અરમાન જૈનના લગ્નમાં સોનમે જે સાડી લુક કેરી કર્યો હતો તેને જોઈ ટ્રોલર્સે તેને દાદી અને ડોશી પણ કહી નાખી. વર્કફ્રંટની વાત કરીએ તો, ગયા વર્ષે સોનમ એક લડકી કો દેખા તો એસા લગા અને ધ ઝોયા ફેક્ટરમાં જોવા મળી હતી. ફિલ્મ મલંગમાં સોનમના પિતા અનિલ કપૂર મહત્વના રોલમાં જોવા મળશે.