બોલિવૂડની જાણીતી અભિનેત્રી અને ફેશનિસ્ટા સોનમ કપૂર હાલ લોકડાઉનને કારણે પતિ આનંદ અહુજાના ઘરે દિલ્હીમાં રોકાયેલી છે. તે ક્વોરંટાઈનમાં હોવા છતાં સતત ચર્ચામાં રહે છે. આ સાથે જ અન્ય સ્ટાર્સની જેમ સોનમ પર સોશિયલ મીડિયા પર ખૂબ જ એક્ટિવ થઈ ગઈ છે. તેણે હાલમાં જ દિલ્હીના તેના આલીશાન ઘરની તસવીરો સોશિયલ મીડિયા પર શેર કરી છે. જે ખૂબ વાયરલ થઈ રહી છે. આ તસવીરોમાં સોનમ અને આનંદનું ઘર જોવાલાયક છે. ફેન્સ તેમના ઘરની ખૂબ પ્રસંશા પણ કરી રહ્યાં છે.
સોનમ કપૂર હાલ લોકડાઉનને કારણે પતિ આનંદ આહુજાના દિલ્હી સ્થિત ઘરે છે
સોનમે સૌથી પહેલાં ઈન્સ્ટાગ્રામ પર તેના બેડરૂમની તસવીરો શેર કરી. જેમાં તેનો રૂમ ખૂબ જ સુંદર દેખાઈ રહ્યો છે. આ તસવીરોમાં સોનમ અને તેનો પતિ રીડિંગ કરતાં જોવા મળી રહ્યાં છે. જે બાદ એક્ટ્રેસ ઘરમાં બનેલાં વિશાળ ગાર્ડનની તસવીરો પણ શેર કરી. તેના ઘરનું ગાર્ડન જબરદસ્ત લાગી રહ્યું હતું.
આ પછી સોનમે તેના ઘરના સ્ટડી રૂમની તસવીરો શેર કરી, જેમાં તેના પતિ સાથે બુક્સ જોવા મળી રહી છે. આ દરમિયાન સોનમ કપૂરે તેનું કિચન પણ બતાવ્યું. તસવીરોમાં તે કંઈક બનાવતી પણ જોવા મળી રહી છે.
સોનમ કપૂરે તેના આલીશાન ઘરની તસવીરો શેર કરીને લખ્યું- ક્વોરંટાઈનના સ્નેપશોટ્સ. તમને જણાવી દઈએ કે, લોકડાઉન શરૂ થતાં પહેલાં જ સોનમ અને તેનો પતિ લંડનથી પાછાં આવ્યા હતા અને ત્યારથી જ તેઓ દિલ્હીમાં રોકાયેલા છે. એક્ટ્રેસના વર્કફ્રંટની વાત કરીએ તો તે છેલ્લી વખત ફિલ્મ ધ ઝોયા ફેક્ટરમાં જોવા મળી હતી. આ ફિલ્મમાં તેની સાથે એક્ટર દુલ્કર સલમાન મુખ્ય ભૂમિકામાં જોવા મળ્યો હતો. જોકે, આ ફિલ્મ ફ્લોપ ગઈ હતી.