નવા વર્ષની શરૂઆત થઈ ગઈ છે. ત્યારે બોલિવૂડ સેલેબ્સ ફેન્સને શુભેચ્છા પાઠવી રહ્યાં છે. ત્યારે બોલિવૂડની ફેસનિસ્ટા સોનમ કપૂરે ગયા વર્ષનો એક રોમેન્ટિક વીડિયો સોશિયલ મીડિયા પર શેર કર્યો છે. જે ખૂબ જ વાયરલ થઈ રહ્યો છે.
આ વાયરલ વીડિયોમાં સોનમ કપૂર પતિ આનંદ આહૂજાની સાથે લિપલોક કરતા જોવા મળી રહી છે. આ વીડિયો ઈટલીનો છે.
લિપલોકનો વીડિયો શેર કરતી વખતે સોનમે લખ્યું, છેલ્લો દાયકો શાનદાર હતો. મેં ઘણી સારી ફિલ્મોમાં કામ કર્યું. ઘણા અમેઝિંગ લોકો મળ્યા જે જીવનભર માટે મિત્રો બની ગયા. મેં બહેન રિયા કપૂર સાથે ત્રણ ફિલ્મો કરી. તેનાથી સમજાયું કે બહેનો સારી પાર્ટનર હોય છે.
સોનમે આગળ લખ્યું, હું મારા જીવનસાથીને મળી, અમે લગ્ન કરીને પોતાનું ઘર બનાવ્યું. પરંતુ આ દાયકાના મોટાભાગના લોકોએ મને શીખવ્યું છે કે જીવનના ઘણાં રસ્તાઓ છે અને આપણે સાચા હેતુઓ સાથે આગળ વધવું જોઈએ. બધાને ખૂબ ખૂબ આભાર.
સોનમ કપૂરના વર્કફ્રંટની વાત કરીએ તો સોનમ કપૂર 'એક લડકી કો દેખા તો એસા લગા' ફિલ્મમાં જોવા મળી હતી. આ ફિલ્મમાં સોનમે મુખ્ય ભૂમિકા નિભાવી હતી. તેની સાથે જુહી ચાવલા, અનિલ કપૂર અને રાજકુમાર રાવ પણ મુખ્ય રોલમાં હતા.
આ સિવાય તે છેલ્લી ફિલ્મ 'ઝોયા ફેક્ટર'માં જોવા મળી હતી. આ ફિલ્મ ફ્લોપ રહી હતી. આ ફિલ્મમાં તેની ઓપોઝિટ દુલકર સલમાન હતો.