બોલિવુડ એક્ટ્રેસ અને અનિલ કપૂરની દિકરી સોનમ કપૂર અને તેનો પતિ આનંદ આહુજા એક દિવસ પહેલા જ લંડનથી પરત ફર્યા છે, લંડનથી પરત ફર્યા પછી સોનમ અને આનંદ સીધા દિલ્હી આવ્યા અને પોતાના ઘરે પહોંચતી સાથે જ બંનેએ પોતાને સેલ્ફ ક્વોરન્ટિનમાં રાખ્યા છે.
વાસ્તવમાં, દુનિયાભારમાં કોરોના વાયરસના કારણે હાહાકરાર મચી ગયો છે અને હાલમાં જ તેઓ વિદેશથી પરત ફર્યા છે, તેથી સાવચેતી માટે બંને આમ કરી રહ્યા છે. બંને પોતાના રૂમમાં જ રહે છે, આટલું જ નહી તેમનુ જમવાનું પણ રૂમમાં જ મોકલવાઇ રહ્યુ છે, તેવામાં સોનમ કપૂરનો એક વીડિયો સોશ્યલ મીડિયા પર ખૂબ જ વાયરલ થઇ રહ્યો છે.
આ વીડિયોમાં સોનમ પોતાની સાસું સાથે રૂમની બાલ્કનીમાંથી વાત કરતી જોવા મળી રહી છે. સોશ્યલ મીડિયા પર આ વીડિયોમાં સોનમે વ્હાઇટ ડ્રેસ પહેર્યો છે અને બારી નીચે ઉભેવા સાસુ પ્રિયા આહુજા સાથે વાત કરી રહી છે.
સોનમ અને આનંદે પોતાને સેલ્ફ ક્વોરન્ટિન કરી લીધા થે, જે કોરોના વાયરસને ફેલાતો રોકાવા માટેની એક રીત છે. સોનમે પોતાના નિર્ણયની માહિતી ઇન્સ્ટાગ્રામ પર આપી છે તે કહી રહી છે, ''કેવી રીતે ભારત પહોંચવાની સાથે તેમની તપાસ કરવામાં આવી અને અધિકારીઓને તેમને કેટલો સાથ આપ્યો, ભારત સરકારનું આ કામ જોઇને ખુશ છે અને આપણે બધાએ સરકારની મદદ કરવી જોઇએ.''
ઉલ્લેખનીય છે કે, સોનમ કપૂર સિવાય બોલિવુડના ઘણા સેલેબ્સે પણ પોતાને ઘરમાં બંધ કરી દીધા છે અને લોકોને પણ આમ કરવાની અપીલ પોત પોતાના સોશ્યલ મીડિયાના માધ્યમથી કરી રહ્યા છે.