થોડા સમય પહેલા ડિરેક્ટર અલી અબ્બાસ ઝફરે ફિલ્મ મિસ્ટર ઇન્ડિયાની રિમેકની જાહેરાત કરી હતી, જે પછીથી અલી સતત વિવાદમાં આવી રહ્યો છે. પહેલા જ્યાં ડિરેક્ટર શેખર કપૂરે અલી અબ્બાસ ઝફર પર નિશાનો સાધ્યો હતો ત્યારે સોનમ કપૂરે પણ ડિરેક્ટરને લઇને પોતાની પ્રતિક્રિયા આપી છે.
ઉલ્લેખનીય છે કે, મિસ્ટર ઇન્ડિયાના ડિરેક્ટર શેખર કપૂરે કહ્યુ કે, ''કોઈએ મને મિસ્ટર ઇન્ડિયા 2 નામની આ ફિલ્મ વિશે જાણ પણ કરી નથી. તેઓ ફિલ્મના ઓરિજિનલ ક્રિએટર્સની પરવાનગી વગર કેરેકટર્સ/ સ્ટોરી યુઝ ન કરી શકે.''
No one has even asked me or mentioned to me about this film called Mr India 2. I can only guess that they using the title to get a big weekend. For they cannot use the characters/story without permission from the original creators of the film. https://t.co/Set5eDH63j
સોનમ કપૂરે લખ્યું કે, ''ઘણા લોકો મને મિસ્ટર ઇન્ડિયા રિમેક વિશે પૂછી રહ્યા છે. સાચું કહું તો મારા પિતાને ખબર પણ નથી કે આવી કોઈ ફિલ્મ બની રહી છે જ્યારે સોશિયલ મીડિયા પર અલી અબ્બાસ ઝફરે ટ્વીટ કર્યું ત્યારે અમને ખબર પડી. જો આ સાચું હોય તો આ ઘણું અપમાનજનક છે કારણકે કોઈએ મારા પિતા અને શેખર અંકલ સાથે વાત કરી ન હતી. તે બંનેએ આ ફિલ્મને બનાવવામાં મહત્ત્વનો ફાળો આપ્યો હતો. આ દુખદ છે કારણકે આ દિલથી અને હાર્ડ વર્કથી બનાવવામાં આવી હતી. જાહેરાતો અને ધંધાથી પરે આ તેમની લેગસીનો હિસ્સો છે. હું આશા રાખી શકું છું કે આજે પણ બોક્સઓફિસ પરના બિગ વીકેન્ડ જેટલું જ મહત્ત્વનું કોઈનું કામ અને ફાળો પણ છે.''
સોનમ કપૂરની વાતને શૅર કરતા રિયાએ પોતાની વાત રજૂ કરી કે. ''અમુક વસ્તુઓ પૈસા, પેપરવર્ક, એમ્બિશનથી ઉપર હોય છે. અમુક વસ્તુ પ્યોર હોય છે અને તેનું જતન થવું જોઈએ.''
Excited to partner with @ZeeStudios_ for an epic trilogy #MrIndia! It is a huge responsibility to carry forward an iconic character loved by everyone. Currently, working on the script, no actor has been locked till now. Once we lock the first draft of the script, casting begins!
987માં આવેલ અનિલ કપૂર, શ્રીદેવી અને અમરીશ પુરી સ્ટારર ફિલ્મ ‘મિસ્ટર ઇન્ડિયા’ શેખર કપૂરે ડિરેક્ટ કરી હતી. ડિરેક્ટર અલી અબ્બાસ ઝફર ‘મિસ્ટર ઇન્ડિયા’ ફિલ્મની ટ્રિલજી પર કામ કરવાના છે. ઝી સ્ટુડિયો આ ટ્રિલજીને પ્રોડ્યૂસ કરવાનું છે. અલી અબ્બાસ જ આ ફિલ્મને લખશે અને ડિરેક્ટ કરશે. હજુ સુધી ફિલ્મની કાસ્ટ ફાઇનલ થઇ નથી. અલીએ ટ્વીટ કરી લખ્યું હતું કે, ‘ઝી સ્ટુડિયો સાથે મળીને એપિક ટ્રિલજી મિસ્ટર ઇન્ડિયા પર કામ કરવા માટે ઉત્સુક છું. જે આઇકોનિક કેરેક્ટરને દરેક લોકોએ પ્રેમ આપ્યો છે તેને આગળ વધારવાની આ ઘણી મોટી જવાબદારી છે. હાલ સ્ક્રિપ્ટ પર કામ કામ ચાલી રહ્યું છે. જેવી સ્ક્રિપ્ટ ફાઇનલ થશે કે કાસ્ટિંગ શરૂ થશે.’