સોનમ કપૂરના લગ્નને એક વર્ષ થઇ ગયુ, એવામાં એક્ટ્રેસ ફૂલ સેલિબ્રેશનના મૂડમા છે.
સોનમ કપૂરે દિલ્હી બેસ્ડ બિઝનેસમેન આનંદ આહૂજાની સાથે પારંપરિક રીતિ-રિવાજથી લગ્ન કર્યા હતા, જેમાં પરિવાર સિવાય નજીકના મિત્રો અને સંબંધીઓ હાજર રહ્યા હતા. સોનમ હોય કે આનંદ, લગ્ન પછી પણ સોશ્યલ મીડિયા પર કપલ એકબીજા માટે પ્રેમ વ્યકત કરતા રહે છે.
પહેલી એનિવર્સરી પર આનંદ આહૂજાએ સોનમ કપૂર માટે એક ઇમોશનલ પોસ્ટ કરી છે. આનંદે બંનેના જૂતા પહેરેલી ફોટો પોસ્ટ કરી છે. આનંદે સાથે કેપ્શન લખ્યુ કે, ''મારી પસંદગીમાંથી એક. આ ફોટો મેં એટલા માટે શૅર નથી કર્યો કે મને જૂતા પસંદ છે પરંતુ એટલા માટે શૅર કર્યો છે કે મારુ માનવુ છે કે નીચે જોવાથી અહેસાસ થાય છે કે જમીનથી જોડાયેલા છીએ અને વાસ્તવિક રહીએ.''
આનંદ આહૂજાએ આગળ લખ્યુ કે, ''મારા લગ્નને એક વર્ષ થઇ ગયુ અને 3 વર્ષથી અમે એકબીજા સાથે છીએ. તમારી લાઇફ પાર્ટનર જ તમારી બેસ્ટ ફ્રેન્ડ તેનાથી વધારે સારું કઇ ના હોઇ શકે. એક એવો પાર્ટનર તે તમને કોઇ પણ શરતો વગર પ્રેમ કરે અને તમે ખોટા હોવ તો તમને જણાવે.હેપ્પી એનિવર્સિરી સોનમ, તુ મારા માટે ગાઇડિંગ સ્ટાર છે.''
સોનમ કપૂરે 8 મેના દિલ્હી બેસ્ડ બિઝનેસમેન આનંદ આહુજા સાથે લગ્નના સાત ફેરા લીધા. સોનમના લગ્ન શીખ રીત-રિવાજથી થયા, જે પછી શાનદાર પાર્ટી રાખવામાં આવી હતી.
તમને જણાવી દઇએ કે, આનંદે દિલ્હીની અમેરિકન એમ્બેસી સ્કૂલમાં અભ્યાસ કર્યો છે. Univesity of Pennsylvaniaમાં તેણે ઈકોનોમિક્સ એન્ડ ઈન્ટરનેશનલ અફેર્સમાં ગ્રેજ્યુએશન કર્યું. બાદમાં જાણીતી બિઝનેસ સ્કૂલ Whartonમાં MBA કર્યું. રિટેલ બિઝનેસ શીખવા માટે તેણે પોતાના અંકલના સ્ટોર Macy’s Inc.માં પણ કામ કર્યું. આ સિવાય USAમાં Amazon.omમાં પ્રોડક્ટ મેનેજર તરીકે પણ કામ કર્યું. આનંદને સ્નીકર્સ અત્યંત ગમતા હોવાને કારણે તેણે મલ્ટી-બ્રાન્ડ સ્નીકર કંપની શરુ કરી અને તેનું નામ આપ્યું, veg non veg. આ સિવાય શાહી એક્સપોર્ટ્સની પાર્ટનરશિપમાં તેણે Bhane નામની બ્રાન્ડ પણ શરુ કરી. કહેવાય છે કે આનંદ અહુજા 3000 કરોડની સંપત્તિનો માલિક છે.