એક તરફ સોનમ કપૂર અને આનંદ આહૂજાના ઘરમાં ખુશીઓ આવી છે, તો બીજી બાજૂ ઘરમાંથી ચોંકાવનારા સમાચાર પણ આવ્યા છે.
સોનમ કપૂર અને આનંદ આહૂજાના ઘરમાં મોટી ચોરી
સોનમ કપૂરની દાદી સાસુએ દિલ્હીમાં નોંધાવી ફરિયાદ
તમામ નોકરચાકર સાથે થશે પૂછપરછ
એક તરફ સોનમ કપૂર અને આનંદ આહૂજાના ઘરમાં ખુશીઓ આવી છે, તો બીજી બાજૂ ઘરમાંથી ચોંકાવનારા સમાચાર પણ આવ્યા છે. કહેવાય છે કે, સોનમ કપૂરના ઘરને ચોર ટોળકીએ નિશાન બનાવ્યું છે, 10-20 લાખની ચોરી નહીં પણ એક કરોડને 41 લાખથી વધારેની થઈ છે ચોરી. આ સમાચાર ત્યારે સામે આવ્યા જ્યારે આનંદ આહૂજાની દાદી સરલા આહૂજાએ તુગલક રોડ પોલીસ સ્ટેશનમાં આ અંગેની ફરિયાદ નોંધાવી હતી. પોલીસે આ મામલે તપાસ શરૂ કરી દીધી છે. કહેવાય છે કે, સોનમ કપૂરની દાદી સાસૂએ ઘરની નજીક 35 નોકર ચાકર કામ કરે છે અને હાલમાં પોલીસ તમામ સાથે પૂછપરછ કરી રહી છે.
દિલ્હીવાળા ઘરમાં થઈ મોટી ચોરી
એક રિપોર્ટમાં જણાવ્યા અનુસાર સોનમ કપૂર અને આનંદ આહૂજાના દિલ્હીવાળા ઘરમાં આ ઘટના ફેબ્રુઆરીમાં થઈ હતી. દિલ્હીમાં સોનમ કપૂરની 86 વર્ષિય દાદી સાસૂ સરલા આહૂજા, તેમના સસરા હરીશ આહૂજા અને પ્રિયા આહૂજા રહે છે. સરલા આહૂજાના મેનેજ રિતેશ ગૌરાએ આ મામલે ફરિયાદ 23 ફેબ્રુઆરીએ દિલ્હીના તુગલક રોડ પોલીસ સ્ટેશનમાં કરાવી હતી. ફરિયાદ મુજબ, તેમના ઘરની તિજોરીમાંથી 1.40 કરોડના ઘરેણા અને એક લાખ રૂપિયા રોકડાની ચોરી થઈ હતી.
35 નોકર ચાકરની થશે પૂછપરછ
આ રિપોર્ટમાં કહેવાયુ છે કે, પોલીસે આ મામલે તેમના ઘરના 25 નોકર, 9 કેરટેકર, ડ્રાઈવર અને અન્ય કામ કરનારા લોકો સાથે પૂછપરછ કરી શકે છે. કહેવાય છે કે સરલા આહૂજાએ લગભગ બે વર્ષ બાદ 11 ફેબ્રુઆરીએ પોતાની તિજોરી ચેક કરી હતી. ત્યારે તેમને ખબર પડી કે, તેમના કિંમતી જ્વેલરી અને રોકડા ગાયબ છે. બાદમાં તેમણે 23 ફેબ્રુઆરીએ ફરિયાદ નોંધાવી હતી.
ટૂંક સમયમાં બનશે પેરેન્ટ્સ
આપને જણાવી દઈએ કે, સોનમ કપૂર અને આનંદ આહૂજા હાલમાં મુંબઈમાં છે. બંનેને ત્યાં હાલમાં જ ગુડ ન્યૂઝ આવ્યા છે. બંને ટૂંક સમયમાં પેરેન્ટ્સ બનવા જઈ રહ્યા છે. એક્ટ્રેસે સોશિયલ મીડિયા પર બેબી બંપ ફ્લોન્ટ કરતા ફોટોશૂટ પણ શેર કર્યો હતો. જે બાદ સોનમ કપૂરની મામા સુનીતા આહૂજા, અનિલ કપૂર, રિયા કપૂર સહિત તેમના પરિવારે સોશિયલ મીડિયા પર શુભકામનાઓ આપી હતી.