બોલિવૂડ / સોનમ કપૂર સાથે કેબ ડ્રાઈવરે એવું કર્યું કે ધ્રુજવા લાગી, ટ્વિટર પર શેર કર્યો અનુભવ

• સોનમ કપૂર હાલ ટ્રાવેલ કરી રહી છે
• સોનમ કપૂર સાથે કેબ ડ્રાઈવરે કરી આવી હરકત
• હચમચી ઉઠી સોનમ કપૂર

સોનમની સાથે થયું કંઈક આવું

સોનમે ટ્વિટ કરીને તેની સાથે થયેલી ઘટના અંગે જણાવ્યું કે, કઈ રીતે લંડનમાં કેબ સર્વિસ ઉબેર સાથે તેનો અનુભવ ડરામણો રહ્યો હતો. તેણે લખ્યું, 'લંડનમાં ઉબેર સાથે મારો અનુભવ ખૂબ જ ખરાબ રહ્યો, તમે બધાં ધ્યાન રાખજો. અહીંની લોકલ કેબ અને સાર્વજનિક પરિવહનનો ઉપયોગ કરવો એ જ શ્રેષ્ઠ રહેશે અને સલામત રહો.'

Hey guys I’ve had the scariest experience with @Uber london. Please please be careful. The best and safest is just to use the local public transportation or cabs. I’m super shaken.

— Sonam K Ahuja (@sonamakapoor) January 15, 2020

ડરી ગઈ સોનમ

સોનમની આ ટ્વિટ પછી ફેન્સ, મિત્રો અને પરિવારજનો તેને આ અંગે પૂછવા લાગ્યા. એક યુઝરે પૂછ્યું શું થયું સોનમ? લંડનમાં હું પણ કેબનો ઉપયોગ કરો છું, જેથી મારા માટે આ જાણવું જરૂરી છે. જેના જવાબમાં સોનમે કહ્યું, તેનો કેબ ડ્રાઈવર માનસિક રીતે અસ્વસ્થ અને પરેશાન હતો અને તેના પર બૂમો પાડી રહ્યો હતો. સોનમે લખ્યું, મારો ડ્રાઈવર અસ્થિર હતો અને જોર-જોરથી બૂમો પાડી રહ્યો હતો. હું બહુ જ ડરી ગઈ હતી અને ધ્રુજવા લાગી હતી. 

ટ્રાવેલમાં પહેલાં પણ આવી છે પરેશાની

સોનમના આ ટ્વિટ પર ઉબેરે ગ્લોબલ હેલ્પલાઈન એકાઉન્ટથી જવાબ આપતા કહ્યું, તેમના ગ્રાહકો કોઈપણ વિશે તેમને ડાયરેક્ટ ફરિયાદ કરી શકે છે. જોકે, સોનમે આ વાત પર હાલ કોઈ પ્રતિક્રિયા આપી નથી. આ ઘટના અંગે જાણ્યા બાદ સોનમના અનેક ફેન્સ તેની સલામતી વિશે પૂછી રહ્યા છે. 

The driver was unstable and was yelling and shouting. I was shaking by the end of it.

— Sonam K Ahuja (@sonamakapoor) January 15, 2020

પહેલાં પણ બની હતી આ ઘટના

ઉલ્લેખનીય છે કે, થોડાં સમય પહેલાં સોનમ કપૂરે બ્રિટિશ એરવેઝને લઈને એક ટ્વિટ કર્યું હતું. જેમાં સોનમે જણાવ્યું હતું કે, તે ત્રીજી વખત આ એરલાઈનમાં ટ્રાવેલ કરી રહી છે અને બીજી વખત તેની બેગ ખોવાઈ ગઈ છે. તેણે એમ પણ કહ્યું હતું કે, તેણે આમાંથી શીખ લીધી છે અને હવે તે ફરીથી ક્યારેય બ્રિટીશ એરવેઝમાં મુસાફરી કરશે નહીં. જેના જવાબમાં બ્રિટિશ એરવેઝે સોનમથી માફી માંગી હચી અને જલ્દી તેની બેગ પાછી આપવાનો વાયદો કર્યો હતો.