ખુલાસો / સોનાલી ફોગાટ મૃત્યુ કેસ: ધરપકડ બાદ PA સુધીરે કબૂલ્યો ગુનો, ધરાર બોટલથી પીવડાવ્યુ ડ્રગ્સ

• સોનાલી ફોગાટના મોતનો મામલો
• બોટલમાં 1.5 ગ્રામ MDMA ડ્રગ્સ મિક્સ કર્યું હતું
• સીસીટીવી ફૂટેજ આવ્યા સામે 

ભાજપ નેતા અને ટિકટોક સ્ટાર સોનાલી ફોગાટના મોતનો ખુલાસો થયો છે. વાસ્તવમાં આરોપી પીએ સુધીર સાંગવાને દાવો કર્યો છે કે તેણે બોટલમાં 1.5 ગ્રામ એમડીએમએ ડ્રગ્સ મિક્સ કરીને આપ્યું હતું. જો કે સોનાલી ફોગાટ વારંવાર તેને પીવાની ના પાડી રહી હતી. આ પછી પણ તેણે આ ડ્રગ્સ બળજબરીથી સોનાલી ફોગાટને આપી દીધું હતું. એવું માનવામાં આવે છે કે સોનાલીનું મોત આ દવાના ઓવરડોઝના કારણે થયું હતું.

ડ્રગ્સનો ઓવરડોઝ
આને ડ્રગ્સનો ઓવરડોઝ માનવામાં આવી રહ્યો છે. પાર્ટી દરમિયાન જ્યારે પીએ સુધીર સાંગવાન બોટલમાં મિક્સ કરીને આ ડ્રગ્સ પી રહ્યા હતા, ત્યારે ત્યાં લાગેલા સીસીટીવી કેમેરામાં બધુ કેદ થઇ ગયું હતું. હવે આ સીસીટીવી ફૂટેજ પણ સામે આવ્યા છે. પરંતુ આ ફૂટેજને ગોવા પોલીસે હમણાં જ કસ્ટડીમાં લીધા છે. પોલીસનું કહેવું છે કે સોનાલી ફોગાટના શરીરમાં કેમિકલની માત્રાનો ફોરેન્સિક રિપોર્ટ આવવાનો બાકી છે. તે રિપોર્ટ બાદ જ ખબર પડશે કે ડ્રગ્સ આપવામાં આવેલ કેટલો જથ્થો હતો.

CCTV ફૂટેજ કસ્ટડીમાં લીધા
ગોવા પોલીસના સૂત્રોએ જણાવ્યું કે પૂછપરછમાં આરોપી સુધીર સાંગવાને એમડીએમએ ડ્રગ્સ આપવામાં આવ્યું હોવાનું જણાવ્યું છે. પરંતુ કેમિકલ ઈન્વેસ્ટિગેશન રિપોર્ટ બાદ જ સમગ્ર બાબત સ્પષ્ટ થશે. સ્થળના સીસીટીવી ફૂટેજમાં સુધીર સાંગવાના સોનાલી ફોગાટને બોટલમાંથી કંઈક પીવડાવતા જોવા મળે છે. અને સોનાલી વારંવાર ના પાડી રહી છે. તેઓ તેને દારૂ પીતા અટકાવવાનો પ્રયાસ કરી રહ્યા છે. પછી તેને જમાડવામાં આવ્યું. આવી સ્થિતિમાં, એવી આશંકા વ્યક્ત કરવામાં આવી રહી છે કે સોનાલી ફોગાટે આ જ ડ્રગ્સના ઓવરડોઝને કારણે પોતાનો જીવ ગુમાવ્યો હતો.