સોનાલી કુલકર્ણીએ હાલમાં જ એક વાતચીત દરમિયાન ભારતીય મહિલાઓને 'આળસુ' ગણાવી હતી. જે બાદ સોશિયલ મીડિયા યુઝર્સના એક વર્ગે સોનાલીને ઘણી ટ્રોલ કરી હતી.
સોનાલી કુલકર્ણીએ ભારતીય મહિલાઓને 'આળસુ' ગણાવી હતી
હાલ સોનાલી કુલકર્ણીએ માંગી માફી
મહિલાઓને દુઃખ પહોંચાડવાનો મારો હેતુ નહતો
બોલિવૂડ અભિનેત્રી સોનાલી કુલકર્ણીનો એક વીડિયો સોશિયલ મીડિયા પર ઝડપથી વાયરલ થઈ રહ્યો છે જેમાં તે છોકરીઓ વિશે કેટલીક અપમાનજનક ટિપ્પણી કરી હતી અને તેમને આળસુ પણ ગણાવી હતી. એ વિડીયો બાદથી તે સતત ટ્રોલ થઈ રહી છે. ટ્રોલ થયા બાદ હવે સોનાલીએ પોતાની ટિપ્પણી બદલ માફી માંગી છે અને નિવેદન જાહેર કર્યું છે. તેના નિવેદનમાં અભિનેત્રીએ ચાહકો અને ટ્રોલ બંને વિશે વાત કરી.
સોનાલી કુલકર્ણીએ માંગી માફી
નોંધનીય છે કે અભિનેત્રી સોનાલી કુલકર્ણીએ હાલમાં જ એક વાતચીત દરમિયાન ભારતીય મહિલાઓને 'આળસુ' ગણાવી હતી. જે બાદ સોશિયલ મીડિયા યુઝર્સના એક વર્ગે અભિનેત્રી સોનાલી કુલકર્ણી પર આકરા પ્રહારો કર્યા હતા. એ બાદ તાજેતરમાં જ અભિનેત્રી સોનાલી કુલકર્ણીએ સોશિયલ મીડિયા યુઝર્સની પ્રતિક્રિયા બદલ માફી માંગી છે. અભિનેત્રી સોનાલીએ તેના ઓફિશિયલ ઈન્સ્ટાગ્રામ એકાઉન્ટ પર એક પોસ્ટ શેર કરી છે. જેમાં તેને ઘણી વાતો કહી છે.
મહિલાઓને દુઃખ પહોંચાડવાનો મારો હેતુ નહતો
નિવેદન જાહેર કરતાં સોનાલીએ લખ્યું કે મને જે કોમેન્ટ મળી રહી છે તેનાથી હું અભિભૂત છું. મારી સાથે જોડાવા બદલ હું તમારા બધાનો અને ખાસ કરીને સમગ્ર પ્રેસ અને મીડિયાનો આભાર માનું છું. હું પોતે એક મહિલા છું અને એ કારણે અન્ય મહિલાઓને દુઃખ પહોંચાડવાનો મારો હેતુ નહતો. મેં મહિલાઓના સમર્થનમાં ઘણી વખત મારી જાતને વ્યક્ત કરી છે અને એક મહિલા હોવાના કારણે કર્યું છે. પ્રશંસા કે ટીકા સાથે અંગત રીતે મારા સુધી પહોંચવા બદલ હું આપ સૌની આભારી છું. આશા છે કે આવી રીતે આપણે વિચારોનું વધુ ખુલ્લું આદાનપ્રદાન કરી શકીશું.
હું આ ઘટનામાંથી ઘણું શીખી - સોનાલી
સોનાલીએ વધુમાં કહ્યું હતું કે,'આ બધી વાતો કોઈ મહિલાને દુઃખ પહોંચાડવા માટે નથી કહી. હું પોતે એક મહિલા છે અને મહિલાઓની પીડા સમજે છે. હું ફક્ત લોકોને સ્વ-નિર્ભર બનવા માટે કહી રહી હતી. જો મારા શબ્દોથી તમને દુઃખ થયું હોય તો હું તમારા બધાની દિલથી ક્ષમા ચાહું છું. હું લાઇમલાઇટમાં આવવા નહતી માંગતી. મેં આ ફક્ત એટલા માટે કહ્યું કારણ કે હું લોકોને જાગૃત કરવા માંગતી હતી બંને લોકો આર્થિક રીતે મજબૂત બને એમ ઇચ્છતી હતી. હું કટ્ટર આશાવાદી છું અને હું નિશ્ચિતપણે માનું છું કે જીવન ખરેખર સુંદર છે. તમારી ધીરજ અને સમર્થન બદલ આભાર. હું આ ઘટનામાંથી ઘણું શીખી છું."
ભારતમાં ઘણી સ્ત્રીઓ આળસુ છે
તાજેતરની પ્રેસ મીટમાં સોનાલી કુલકર્ણીએ કહ્યું હતું કે “ભારતમાં ઘણી સ્ત્રીઓ આળસુ છે. તેમને બસ એવા પતિ કે બોયફ્રેન્ડની જરૂર છે જે આર્થિક રીતે સક્ષમ હોય. પણ સ્ત્રીઓ પોતાના માટે સ્ટેન્ડ લેવાનું સંપૂર્ણપણે ભૂલી જાય છે. તેમને બસ તેમના પતિની કમાણી જોઈએ છે. સ્ત્રીઓને ખબર નથી કે શું કરવું. હું દરેકને મહિલાઓને પ્રોત્સાહિત કરવા અને તેમને આત્મનિર્ભર બનાવવા વિનંતી કરું છું. જેથી તે આગળ વધી શકે અને ઘરનો ખર્ચ પોતાના પાર્ટનર સાથે શેર કરી શકે.' સોનાલીનો આ વીડિયો સોશિયલ મીડિયા પર ખૂબ જ વાયરલ થયો છે.