બોલિવુડની જાણીતી એક્ટ્રેસ સોનાલી બેન્દ્રે કેન્સર જેવી ગંભીર બિમારીથી પીડાઇ રહી છે. આ વાતનો ખુલાસો એક્ટ્રેસે પોતે પોતાના સોશ્યલ મીડિયા એકાઉન્ટ ટ્વિટર પર કર્યો હતો. સોનાલી કેન્સરના સારવાર કરાવવા માટે ન્યૂયોર્ક જવા માટે રવાના થઇ ગઇ છે. બોલિવુડથી સોનાલી બેન્દ્રે છેલ્લા ઘણા સમયથી દૂર છે. 'સરફરોશ' 'હમ સાથ સાથ હૈ' અને 'લજ્જા' જેવી ફિલ્મોમાં તે લીડ એક્ટ્રેસ તરીકે જોવા મળી હતી.
— Sonali Bendre Behl (@iamsonalibendre) July 4 2018
સોનાલી બેન્દ્રેએ પોતાના ઑફિશ્યલ ટ્વિટર એકાઉન્ટ પર ટ્વીટ કરતા લખ્યુ કે ''ઘણી વખત જિંદગી તમને એવા મોડ પર લઇ આવે છે જેના વિશે તમે ક્યારેય વિચાર્યુ ના હોય મને હાઇગ્રેડ કેન્સર ડાયગ્નોઝ થયું છે અને જેના વિશે મને જરાય ખ્યાલ નથી. મારું ફેમિલી અને ફ્રેન્ડ્સ લોકો મને મદદ કરી રહ્યા છે. આ ગંભીર બિમારીની સારવાર માટે હું ન્યૂયોર્કમાં છું. હું લડાઇ લડવા માટે તૈયાર છું.''
મૉડલિંગ પછી બોલિવુડની દુનિયામાં આવનારી સોનાલી બેન્દ્રેએ 1994માં આવેલી ફિલ્મ 'આગ'થી ડેબ્યૂ કર્યુ હતુ. આ પછી તે ઘણી શાનદાર ફિલ્મોનો ભાગ બની હતી. નિરમા વૉશિંગ પાઉડરની એડથી તેણે લોકો વધારે ઓળખવા લાગ્યા. સોનાલીએ વર્ષ 2001માં ફિલ્મ 'હમારા દિલ આપકે પાસ હૈ' માટે બેસ્ટ સપોર્ટિંગ એક્ટ્રેસનું સ્ટાર સ્ક્રીન એવોર્ડ મળી ચૂક્યો છે.