બોલીવુડ ગપશપ / હવે પાક્કું થઈ ગયું! ઝહીર ઈકબાલના પ્રેમમાં દિવાની બની સોનાક્ષી સિંહા, વાયરલ તસવીરથી ફેન્સ ચોંક્યા

• સોનાક્ષી સિંહા અને ઝહીર ઇકબાલની એક રોમેન્ટિક તસવીર થઈ વાયરલ 
• અભિનેતા વરુણ શર્માએ બંનેને 'બ્લોકબસ્ટર જોડી' કહી
• બંનેની સગાઈની અટકળો પણ શરૂ થઈ હતી.

બોલિવૂડ એક્ટ્રેસ સોનાક્ષી સિંહા અને બૉલીવુડ ફિલ્મ 'નોટબુક' ફેમ એક્ટર ઝહીર ઈકબાલ વિશે છેલ્લા ઘણા સમયથી એ ચર્ચા ચાલી રહી છે કે બંને લાંબા સમયથી રિલેશનશિપમાં છે. હવે હાલમાં જ સોશિયલ મીડિયા પર સોનાક્ષી અને ઝહીરની એક રોમેન્ટિક તસવીર શેર કરતાં અભિનેતા વરુણ શર્માએ બંનેને 'બ્લોકબસ્ટર જોડી' કહી હતી. શું છે એ વાયરલ તસવીર અને તેને શેર કરવા પાછળનું કારણ.. 

 

 

 

 

View this post on Instagram

 

 

 

 

 

 

 

 

 

 

 

A post shared by Sonakshi Sinha (@aslisona)

વાયરલ થઈ આ તસવીર
ગુરુવારે રાત્રે સોનાક્ષી સિંહા​​​​​​​ અને ઝહીર ઇકબાલ મુંબઈની એક રેસ્ટોરન્ટમાં સાથે ડિનર કરતા જોવા મળ્યા હતા અને રેસ્ટોરન્ટમાંથી બહાર નીકળતા બંનેની તસવીરો અને વીડિયો ઘણા વાયરલ થયા હતા અને એ સમયે જ બૉલીવુડની ફિલ્મ 'ફુકરે' ફેમ એક્ટર વરુણ શર્મા પણ એ બંને સાથે જોવા મળ્યા હતા અને રેસ્ટોરન્ટમાંથી પાછા ફર્યા પછી વરુણે તેના સોશિયલ મીડિયા એકાઉન્ટ પર સોનાક્ષી અને ઝહીરની એક તસવીર શેર કરી હતી અને સાથે લખ્યું હતું કે, 'ઓયે-હોયે, આને કહેવાય બ્લોકબસ્ટર જોડી...' જણાવી દઈએ કે હાલ માં જ સોનાક્ષીના જન્મદિવસ પર ઝહીર ઈકબાલે તેના ઈન્સ્ટાગ્રામ એકાઉન્ટ પર સોનાક્ષીનો એક ક્યૂટ વીડિયો પણ શેર કર્યો હતો.

ઘણી વખત સાથે નજર આવે છે બંને 
જણાવી દઈએ કે ઝહીર અને સોનાક્ષી ઘણીવાર એક સાથે જોવા મળે છેઅને બંને એકબીજાને ઘણા લાંબા સમયથી ઓળખે છે. મીડિયા રિપોર્ટ્સની માનીએ તો બંનેની મુલાકાત સલમાન ખાને કરાવી હતી અને એ પછી બંને મિત્રો બની ગયા હતા અને એ પછી થી બંને રિલેશનમાં છે એવી વાતો શરૂ થવા લાગી હતી. જો કે થોડા સમય પહેલા સોનાક્ષીએ તેની બ્યુટી બ્રાન્ડ લોન્ચ કરી હતી એ સમયે તેના હાથમાં ડાયમંડ રીંગ જોવા મળી હતી અને ત્યારથી બંનેની સગાઈની અટકળો પણ શરૂ થઈ ગઈ હતી.

'ડબલ XL' માં એક સાથે નજર આવશે સોનાક્ષી-ઝહીર 
આવનારા સમયમાં ઝહીર અને સોનાક્ષી એકસાથે સ્ક્રીન શેર કરતા જોવા મળશે. સોનાક્ષી અને ઝહીર ફિલ્મ 'ડબલ XL' માં સાથે કામ કરી રહ્યા છે અને આ ફિલ્મમાં હુમા કુરેશી પણ લીડ રોલમાં જોવા મળશે. જણાવી દઈએ કે આ ફિલ્મ હુમાના ભાઈ સાકિબ સલીમ પ્રોડ્યુસ કરી રહ્યા છે.