ટીઝરમાં સોનાક્ષી સિંહા અને હુમા કુરેશી શરીરના વજન અને મહિલાઓના ફિગરની મજાક ઉડાવીને સમાજને અરીસો બતાવી રહી છે.
ફિલ્મ ડબલ XL (Double XL) નું ટીઝર રિલીઝ
સોનાક્ષી સિંહા અને હુમા કુરેશી એક સાથે આવી નજર
સોશિયલ મીડિયા પર ખૂબ પસંદ કરવામાં આવ્યું ટીઝર
દબંગની હિરોઈન સોનાક્ષી સિંહા એ થોડા જ સમયમાં તેની એક્ટિંગથી ઘણું નામ કમાઈ લીધું છે, આ સાથે જ થોડા દિવસો પહેલાવેબ સિરીઝ મહારાણી 2 માટે પ્રસંશા મેળવનાર બોલિવૂડ અભિનેત્રી હુમા કુરેશીએ તેમની આગામી ફિલ્મની જાહેરાત કરી દીધી છેછે.સોનાક્ષી અને હુમાએ સોશિયલ મીડિયા પર આગામી ફિલ્મ ડબલ એક્સએલ(Double XL) નું ટીઝર શેર કર્યું છે. ટીઝરમાં સોનાક્ષી સિંહાઅને હુમા કુરેશી શરીરના વજન અને મહિલાઓના ફિગર વગેરેની મજાક ઉડાવીને સમાજને અરીસો બતાવી રહી છે. જણાવી દઈએ કે આ ટીઝરને સોશિયલ મીડિયા પર ખૂબ પસંદ કરવામાં આવી રહ્યું છે પણ આ સાથે ઘણા લોકો કહી રહ્યા છે કે આવી વાતોમાંથી જ બૉલીવુડ ઉપર નથી આવી રહ્યું. ઘણા લોકો ફિલ્મનો મજાક બનાવી રહ્યા છે.
આ દિવસએ ફિલ્મ થશે રિલીઝ
T-Series, Wakao Films અને Mudassar Ajrની ફિલ્મ લાંબા સમયની રાહ જોવડાવ્યા પછી અંતે ડબલ XL (Double XL) નું ટીઝર રિલીઝ કર્યું છે. આ ફિલ્મનું દિગ્દર્શન સતરામ રામાણીએ કર્યું છે. બોડીવેટ જેવા સ્ટીરિયોટાઇપ પ્રશ્નો આજે પણ આપણા સમાજમાં ખૂબ જ મજાકીયા રીતે લોકોને પરેશાન કરે છે. આ ટીઝર રિલીઝ કર્તાની સાથે જ મેકર્સે ફિલ્મની રિલીઝ ડેટ પણ બહાર પાડી છે અને તમને જણાવી દઈએ કે આ ફિલ્મ 14 ઓક્ટોબર 2022ના રોજ થિયેટરમાં રિલીઝ થવાની છે.
ભારત અને યુકેમાં થયું છે શુટ
ભારત અને યુકેમાં મોટપાયે આ ફિલ્મનું શુટ થયું છે. ફિલ્મ ડબલ એક્સએલમાં (Double XL) બે પ્લસ-સાઈઝની મહિલાઓ દર્શાવવામાં આવી છે જેમાં એક ઉત્તર પ્રદેશની અને બીજી નવી દિલ્હીની છે. અને એ બંને એક એવા સમાજમાંથી જ્યાં તેમણે ઘણીવાર એક મહિલા તરીકે એમની સાઇઝ અને સુંદરતા કે આકર્ષણ માટે જવાબદાર દર્શાવવામાં આવે છે. ડબલ એક્સએલ (Double XL)ના ટીઝરની શરૂઆતમાં હુમા કુરેશી વજન અને બોડી શેપ વિશે મજાક કરે છે એ જ સમયે સોનાક્ષી કહે છે- 'બ્રા મોટી જોઈએ પણ કમર આટલી જ...'.
સોનાક્ષી અને હુમાએ વધાર્યો વજન
સોનાક્ષી સિંહા અને હુમા કુરેશીએ આ ફિલ્મ માટે ઘણો વજન પણ વધાર્યો છે. ફિલ્મમાં તેમના પાત્રને વાસ્તવિક રૂપ આપવા માટે બંનેએ વજન વધાર્યો છે. જણાવી દઈએ કે આ ફિલ્મમાં તેની સાથે ઝહીર ઈકબાલ, મહત રાઘવેન્દ્ર જએવા કલાકારો પણ જોવા મળશે. ટીઝર રિલીઝ સાથે જ સોશિયલ મીડિયા પર લોકો તેની પ્રશંસા કરી રહ્યા છે અને કહેવામાં આવી રહ્યું છે કે ખૂબ જ ગંભીર વિષયને સુંદર રીતે દર્શાવવામાં આવ્યો છે.પણ ઘણા લોકો કહી રહ્યા છે કે આવી અભદ્ર વાતો ફિલ્મોમાં કરવાનું બંધ કરો.