મહારાષ્ટ્રનું મંત્રીમંડળ મંત્રીમંડળ ઓછું અને પરિવાર મંડળ વધારે લાગી રહ્યું છે. મંત્રીમંડળમાં 43માંથી 21 મંત્રીઓ કોઈકનાં દિકરા, કોઈકનાં ભત્રીજા અને તો કોઈકની દિકરી છે. જાણો કોણ કોનું સગુ છે અને કોણ કોની દિકરો , ભત્રીજો અને દીકરી છે....
મહારાષ્ટ્રમાં આવું દેશમાં ચોથી વખત બન્યું જેમાં પિતા CM અને પુત્ર કેબિનેટમાં
મંત્રિમંડળમાં સંબંધિઓનો દબદબો
દિકરા- દીકરી અને ભત્રીજાઓએ બાજી મારી
મહારાષ્ટ્રની ઉદ્ધવ ઠાકરે સરકારમાં પરિવારજનોની ફોજ છે. એવું એટલા માટે કેમ કે ઉદ્ધવ ઠાકરેનાં આ કેબિનેટમાં મહારાષ્ટ્રનાં દરેક પરિવારનું વર્ચસ્વ છે. જે રાજ્યમાં શક્તિશાળી રહ્યાં છે. મહારાષ્ટ્ર સરકારમાં મુખ્યમંત્રી સહિત 43 મંત્રીઓ થઈ શકે છે. ત્યારે નોંધનીય વાત એ છે કે મહારાષ્ટ્ર સરકારનાં 43 માંથી 21 મંત્રી એવા છે જે કોઈને કોઈ નેતાનાં દિકરા, વહુ, ભત્રીજા અથવા નજીકનાં સંબંધી છે. મંત્રીમંડળમાં 13 દિકરા અને 3 ભત્રીજાનો સમાવેશ થયો છે. જે મહારાષ્ટ્રનાં રાજકારણ સાથે સંકળાયેલા પરિવારોમાંથી આવે છે.
CM સહિત 43 મંત્રિયોનો કોટા
સોમવારે મહારાષ્ટ્રનું ચર્ચાસ્પદ કેબિનેટનું વિસ્તરણ થયું છે. આ દરમિયાન શિવસેના, કોંગ્રેસ અને એનસીપીનાં નેતાઓએ મંત્રી પદનાં શપથ લીધા હતાં. સોમવારે 26 કેબેનેટ મંત્રિઓ અને 10 રાજ્ય મંત્રીઓએ શપથ લીધા હતાં. રાજ્યમાં CMસહિત 43 મંત્રી બની શકે છે. 43નો આ આંકડો સોમવારે શપથ ગ્રહણની સાથે પુરો થઈ ચુક્યો છે. આમાંથી 16 મંત્રી એનસીપીનાં છે, CM સહિત 15 મંત્રી શિવશેનાનાં છે જ્યારે કોંગ્રેસનાં કોટામાંથી 12 ધારાસભ્યો મંત્રી બન્યાં છે.
આવું દેશમાં ચોથી વખત
આદિત્ય ઠાકરે CM ઉદ્ધવનાં પુત્ર છે. મહારાષ્ટ્રમાં પહેલીવાર પિતા CM અને પુત્ર મંત્રી બન્યા છે. દેશમાં ત્રીજીવાર આમ બન્યું છે. તામિલનાડુમાં કરુણાનિધિ-સ્ટાલિન, પંજાબમાં બાદલ પિતા-પુત્ર, તેલંગાણામાં કેસીઆર અને તેમની પુત્રી કેબિનેટમાં હતાં. મહારાષ્ટ્રમાં જો પરિવારની સરકાર પર નજર નાંખીએ તો ભારતનાં રાજકારણમાં ભાઈ-ભત્રીજાવાદ ઘણીવાર સામે આવી જાય છે.
કોણ કોનાં પરિવારમાંથી
શિવસેનાં પરિવાર
ઉદ્ધવ ઠાકરે - મુખ્યમંત્રી ઉદ્ધવ ઠાકરે શિવસેનાં સુપ્રીમો બાલા સાહેબ ઠાકરેનાં દિકરા છે. આદિત્ય ઠાકરે - ઉદ્ધવ ઠાકરેએ પોતાનાં કેબિનેટમાં દિકરા આદિત્ય ઠાકરેને કેબિનેટ મંત્રી બનાવ્યાં છે. શંભૂરાજે દેસાઈ - શિવસેનામાં મંત્રી બનનારા શંભૂરાજે દેસાઈ મહારાષ્ટ્રનાં પૂર્વ ગૃહ મંત્રી અને કોંગ્રેસનાં નેતા બાલાસાહેબ દેસાઈનાં પરપૌત્ર છે. શંકરરાવ ગદખ - ઉદ્ધવ સરકારમાં મંત્રી બનનારા ક્રાંતિકારી શતકરી પક્ષનાં નેતા શંકરરાવ ગદખ પૂર્વ કોંગ્રેસ એમપી યશવંત રાવ ગદખનાં દિકરા છે.
કોંગ્રેસનો પરિવાર
અશોક ચૌહાણ- સોમવારે મંત્રી પદનાં શરથ લેનારા અશોક ચૌહાણ રાજ્યનાં પૂર્વ CM શંકરરાવ ચૌહાણનાં પુત્ર છે, તે પોતે પણ રાજ્યનાં CM રહી ચુક્યાં છે. અમિત દેશમુખ - લાતુર સિટીનાં ધારાસભ્ય અને કૈબિનેટ મંત્રી અમિત દેશમુખના પૂર્વ CM વિલાસરાવ દેશમુખનાં પુત્ર છે. યશોમતિ ઠાકુર- ઉદ્ધવ સરકારનાં મંત્રી યશોમતિ ઠાકુર પૂર્વ કોંગ્રેસનાં ધારાસભ્ય સ્વર્ગસ્થ ભૈયા સાહેબ ઠાકુરની દીકરી છે. સુનીલ કેદાર - સોમવારે મંત્રી પદની શપથ લેનારા સુનીલ કેદાર પૂર્વ મંત્રી છત્રપાલ કેદારનાં દિકરા છે. વર્ષા ગાયકવાડ- મહારાષ્ટ્ર સરકારમાં મંત્રી વર્ષા ગાયકવાડ પૂર્વ એમપી એકનાથ ગાયકવાદનાં દીકરી છે. વિશ્વજીત કદમ - પૂર્વ કોંગ્રેસ મંત્રી પતંગરાવ કદમનાં દિકરા વિશ્વજીત કદમ ઉદ્ધવ સરકારમાં મંત્રી બન્યા હતાં. સતેજ પાટિલ - ઉદ્ધવ સરકારમાં મંત્રી બનેલા સતેજ પાટિલ બિહારનાં પૂર્વ ગવર્નર અને કોંગ્રેસ નેતા ડીવાઈ પાટિલનાં દિકરા છે. બાલાસાહેબ થોરાટ - મંત્રી બનનારા બાલા સાહેબ થોરાટ પૂર્વ કોંગ્રેસ એમએલએ ભાઉસાહેબ થોરાટનાં દિકરા છે.
NCP પરિવાર
અજિત પવાર - મહારાષ્ટ્ર સરકારમાં નંબર-2 અને ડેપ્યુટી CM અજિત પવાર NCPનાં શરદ પવારનાં ભત્રીજા છે. ધનંજય મુંડે- NCP કોટાથી મંત્રી બનનારા કદાવર નેતા ધનંજય મુંડે મહારાષ્ટ્ર સરકારમાં કેબિનેટ મંત્રી છે. તે પૂર્વ કેન્દ્રીય મંત્રી અને બીજેપીનાં દિગ્ગજ નેતા રહી ચૂકેલા સ્વ. ગોપીનાથ મુંડેનાં ભત્રીજા છે. રાજેશ ટોપે - રાજ્ય સરકારમાં મંત્રી બનનારા રાજેશ ટોપે પૂર્વ સાંસદ સ્વર્ગસ્થ અંકુશ ટોપેનાં દિકરા છે. બાલાસાહેબ પાટિલ- સોમવારનાં મંત્રી પદની શપથ લેનારા બાલાસાહેબ પાટિલ પૂર્વ કોંગ્રેસ વિધાયક પાંડુરંગ પાટિલનાં દિકરા છે. દિલીપ વલસે પાટિલ- મહારાષ્ટ્ર સરકારમાં મંત્રી બનનારા દિલીપ વલસે પાટિલનાં પિતા દતાત્રેય પાટિલ પણ મહારાષ્ટ્રનાં ધારાસભ્ય રહી ચુક્યાં છે. અદિતી તત્કારે - મંત્રી અદિતી તત્કારે કોંગ્રેસ એમપી સુનીલ તત્કારેની દિકરી છે. પ્રાજક્ત તાનપુરે - મંત્રી પ્રાજક્ત તાનપુરે પૂર્વ સાંસદ પ્રસાદ તાનપુરનાં દિકરા અને જયંત પાટિલનાં ભત્રીજા છે. જયંત પાટિલ - સોમવારે મંત્રી બનનારા જયંત પાટિલ પૂર્વ કોંગ્રેસ મંત્રી સ્વર્ગસ્થ રાજારામ પાટિલનાં દિકરા છે. રાજેંન્દ્ર શિંગણે - મહારાષ્ટ્ર સરકારમાં મંત્રી બનનારા રાજેન્દ્ર શિંગણેનાં પિતા ભાસ્કરરાવ ધારાસભ્ય છે.