કણભા ગામે રૂપિયાની લેતીદેતીમાં એક માતાએ તેનાજ પુત્રને મોતને ઘાટ ઉતારી દીધો. હત્યા કરાવા તેણે તેના 3 મિત્રોની મદદ લીધી જેમણે હત્યા કરીને મૃતદેહને નદીમાં ફેકી દીધો હતો.
કણભા ગામે માતાએ કરાવી પુત્રની હત્યા
25 લાખ માટે પુત્રને ઉતાર્યો મોતને ઘાટ
હત્યા કરાવીને મૃતદેહને નદીમાં ફેકાવ્યો
અમદાવાદમાં આવેલ દસ્ક્રોઈ તાલુકાના કણભા ગામે એક માતાએ તેનાજ પુત્રની હત્યા કરી નાખી હોવાનો બનાવ સામે આવ્યો છે. આ બનાવને લઈને આસપાસના વિસ્તારમાં ચકચાર મચી જવા પામી છે. સાથેજ લોકોમાં રોષનો માહોલ પણ ફેલાયેલો છે. જોકે સમગ્ર મામલે એવી માહિતી સામે આવી છે કે સાવકી માતાએ પુત્રની હત્યા કરાવી દીધી છે.
25 લાખ માટે પુત્રની હત્યા
બનાવની જો વિગતવાર વાત કરીએ તો માતા અને પુત્ર વચ્ચે રૂપિયાને લઈને બોલાચાલી થઈ હતી. જે બોલાચાલી બાદ સાવકીએ માતાએ હત્યાની યોજના બનાવી લીધી. 25 લાખ જેટલી મોટી રકમ માટે આ બોલાચાલી થઈ હતી. જે બોલાચાલી બાદ ખૂની ખેલ ખેલાઈ ગયો.
મૃતદેહ નદીમાં ફેકાવ્યો
હત્યારી માતાએ તેના પુત્રને મોતને ઘાટ ઉતારવા માટે તેના 3 મિત્રોની મદદ લીધી હતી. જેમણે હત્યાને અંજામ આપ્યો હતો. સાંભળીને આપને નવાઈ લાગશે કે માતાએ હત્યા કરાવીને તેના પુત્રના મૃતદેહને નદીમાં ફેકાવી દીધો હતો. જેથી કરીને કોઈને પણ આ હત્યા વીશે જાણ ન થયા. પરંતુ તેની એક પણ ચાલાકી ન ચાલી અને હાલ પોલીસે તેને ઝડપી પાડી છે.
હત્યારાઓ ફરાર
ઉલ્લેખનીય છે કે સમગ્ર મામલે રૂપિયાની લેતીદેતીમાં આ હત્યા થઈ હોવાનું સામે આવ્યું છે. કણભા પોલીસે હાલ મૃતક પુત્રનો મૃતદેહ શોધીને તેમના કબ્જે કર્યો છે. બીજી તરફ આરોપી માતાને તેની કરતૂતને કારણે હાલ જેલના સળીયા ગણવાનો વારો આવ્યો છે. જોકે જે આરોપીઓએ હત્યાને અંજામ આપ્યો હતો તે ફરાર છે જેમને પોલીસ શોધી રહી છે.