સુરતના કતારગામનાં વેવાઈ અને નવસારીનાં ભાવિ વેવાણ વર્ષો જૂના પોતાના પ્રેમને યાદ કરીને ભાગી ગયાની ઘટનાએ આખા રાજ્યમાં ચકચાર મચાવી છે ત્યારે આવી જ વધુ એક ઘટના સામે આવી છે.
સુરતમાં બની વધુ એક ચકચારી ઘટના
કાકીસાસુ અને જમાઇ ભાગી ગયા
એક જ સોસાયટીમાં રહેતા હતા બંન્ને
સુરતના કતારગામમાં જ રહેતો 32 વર્ષનો યુવક તેની 45 વર્ષની સગી કાકીસાસુને ભગાડી ગયો હોવાની ચર્ચાઓ ઉઠવા લાગી છે. જોકે, આ અંગે હજી કોઇ સત્તાવાર માહિતી સામે આવી નથી અને પોલીસમાં કોઇ ફરિયાદ પણ નથી થઇ.
એક જ સોસાયટીમાં રહેતા હતા જમાઇ અને કાકીસાસુ
મળતી માહિતી અનુસાર, કાકીસાસુ અને જમાઈ એક જ સોસાયટીમાં રહે છે. આ બંન્ને છેલ્લા ત્રણ દિવસથી ગુમ થયાં છે. પરંતુ પરિવારજનોએ સમાજમાં કોઇપણ પ્રકારની બદનામી ન થાય તે માટે પોલીસ ફરિયાદ નોંધાવી નથી.
યુવક કાપડ માર્કેટ સાથે સંકળાયેલો હોવાનું ખુલ્યું
ઉલ્લેખનીય છે કે, આ યુવક કાપડ માર્કેટ સાથે સંકળાયેલો છે. તેઓ એકબીજાનાં પ્રેમમાં હતા અને ચોરી છૂપીથી મળતા પણ હતાં. આ પહેલા પણ કાકીસાસુ અને જમાઈને એકબીજા સાથે એકલામાં પકડી પાડ્યાં હતા. જે બાદ જમાઈને ઘણો જ માર પણ મારવામાં આવ્યો હતો. જે બાદમાં બંન્નેએ પરિવાર વચ્ચે વાતચીતથી વાત પતી હતી.
થોડા સમય પહેલા જ બની હતી વરરાજાનો બાપ અને સાસુ ભાગી જવાની ઘટના
સુરતમાં એક યુવક અને યુવતીનાં લગ્ન નક્કી થયાં હતાં. જે બન્ને ફેબ્રુઆરીમાં લગ્નગ્રંથીથી જોડાવાનાં હતાં. જોકે એ પહેલા યુવતીની માતા અને યુવકનાં પિતા વાર ફરથી ઘરેથી ભાગી ગયાં. પોલીસે આ અંગે જાણ કરતા પોલીસે તપાસ હાથ ધરી હતી જેમાં આ ચોંકાવનારી ઘટનાં સામે આવી હતી.
બન્ને એકબીજાને ઘણાં વર્ષોથી જાણતા હતા
યુવતીની માતા અને યુવકનાં પિતા એકબીજાને લાંબાં સમયથી ઓળખતા હતાં. એકબીજાને પ્રેમ કરતાં હતાં. કોઈક કારણોસર તેમનાં લગ્ન નહોતા થઈ શક્યાં જોકે તેમનાં સંતાનો એકબીજા સાથે લગ્ન કરવા જઈ રહ્યાં હતાં. તેનાં એક મહિનાં પહેલા જ યુવકનાં પિતા અને યુવતીની માતા ભાગી ગયાં હતાં. સુત્રોમાં ચર્ચાઈ રહ્યું છે કે બન્નેએ લગ્ન પણ કરી લીધા છે. આ ઘટના બાદ યુવક અને યુવતીનાં લગ્ન ફોક નિવડ્યા હતા. આ ઘટનાં બાદ આ યુગલે લગ્નગ્રંથીથી જોડાવાનું માંડી વાળ્યું હતું. ઉલ્લેખનીય છે કે પોલીસને જાણ કર્યાના 10 દિવસ થયા હોવા છતાં હજુ સુધી પોલીસને આ બંને વિશે કોઈ જાણકારી મળી નથી.