એક 75 વર્ષના જીવીબહેન અમદાવાદ રિવરફન્ટના નારણપુરા ઘાટ પાસે આત્મહત્યા કરવા આવ્યા હતા. ત્યાં રહેલા સિક્યોરિટી ગાર્ડે 181ને જાણ કરી તેમનો જીવ તો બચાવ્યો પણ તેમની આત્મહત્યાનું કારણ જાણી તેઓ હચમચી ગયા હતા. જીવીબેનના પરિવારજનો તેમની સાથે જે કરી રહ્યા હતા તે જાણીને તમે પણ ધ્રુજી ઉઠશો.
જીવીબહેન આત્મહત્યા કરવા માટે રિવરફ્રન્ટ પર આવ્યા હતા
2 કલાકના કાઉન્સિંગ બાદ જીવીબહેને આપવીતી જણાવી
જીવીબહેનની વાત સાંભળી ત્યાં રહેલા બન્ને ગાર્ડ અને શીતલબહેન હચમચી ગયા
અમદાવાદના નિકોલ વિસ્તારમાં રહેતા જીવીબહેન આત્મહત્યા કરવા માટે રિવરફ્રન્ટ પર આવ્યા હતા. તેમના ચહેરા પરની ઉદાસી અને નિરાશાને ત્યાં રહેલા 2 સિક્યોરિટી ગાર્ડ કળી ગયા. એક ગાર્ડે જીવીબેનને અટકાવી રાખ્યા તો બીજા ગાર્ડે તેમના કાઉન્સેલિંગ માટે મહિલા હેલ્પલાઈન 181 અભયમની મદદ માંગી. મણીનગરની 181ની ગાડી 15 મિનીટમાં જ નારણઘાટ પહોંચી. હેલ્પલાઈનના કાઉન્સિલર શીતલબહેને જીવીબહેનને સમજાવવાનો અને હકિકત જાણવાનો પ્રયાસ કર્યો 2 કલાકના કાઉન્સિંગ બાદ જીવીબહેને આપવીતી જણાવી.
જીવીબહેનની વાત સાંભળી ત્યાં રહેલા બન્ને ગાર્ડ અને શીતલબહેન હચમચી ગયા હતા. જીવીબહેનનો દીકરો 5 વર્ષનો હતો ત્યારે તેઓ વિધવા થયા હતા. એકલા તેણે તેને મોટો કર્યો. આજે તેમના પૌત્રના ઘરે પણ દિકરો છે અને જીવીબહેન પોતાના ફ્લેટના પાર્કિંગમાં 10 વર્ષથી રહે છે. વાત એમ છે કે જીવીબહેનનું ઘર 2BHK છે. જીવીબહેનના દીકરાનાં એન્જિનિયર દીકરા(પૌત્ર)ના લગ્ન 10 વર્ષ પહેલા થયાં હતા. એ દિવસથી જીવીબહેનને ફ્લેટના પાર્કિંગમાં પરિવારે ખાટલો ઢાળી આપ્યો હતો. છેલ્લા 10 વર્ષથી જીવીબહેન 365 દિવસ કોઈ પણ સિઝન હોય અહીં જ રહેતા. કુતરાને પણ એ રીતે કોઈ જમાવનું ન આપે તેમ જીવીબહેનના પરિવારજનો રોટલો ફેંકીને આપતા. જીવી બહેન માત્ર બાથરુમ જવા માટે ઘરમાં જતાં. બાકી તડકો, ઠંડી કે વરસાદ તેઓ આ ખાટલામાં જ પાર્કિંગમાં રહેતા હતા.
ગઈ કાલે તેઓ બાથરુમ જવા માટે જ્યારે ઘરમાં ગયા તો તેમણે જોયું કે તેમનો દીકરો પુત્રવધૂ, પૌત્ર અને પૌત્રવધૂ પરપૌત્ર હળીમળીને મજા હસી મજાક કરતાં જમી રહ્યાં છે. તેમને એ વાતને આઘાત લાગ્યો કે મારી સાથે કેમ તેઓ મોઢું ચઢાવે છે હળધૂત કરે છે. મારે નથી જીવવું. તેઓ ત્યાંથી નિકળી ગયા અને નારણપુરા ઘાટ પહોંચ્યા. અજાણ્યા રિક્ષાવાળાને બાની દયા આવતા ભાડું તો ન લીધું ઉપરથી 100 રુપિયા આપ્યા કે એમને પાછુ જવું હોય તો.
અંતે કાઉન્સિલર શીતલબહેન જીવીબહેનને લઈને તેમના ઘરે પહોંચ્યા અને તેમના પરિવારને સમજાવ્યો. તેમની પાસે બાંહેધરી લીધી કે તેઓ દાદીને ફ્લેટના પાર્કિંગમાં નહીં રાખે. પરિવાર માની ગયો. સાથે સાથે શીલતબહેને બાપુનગર પોલીસ સ્ટેશનની ‘SHE'ટીમને કેસ અંગે જાણ કરી અને કહ્યું તમે જ્યારે સિનિયર સિટીઝન વિઝિટ પર જાવ તો આ ઘરની વિઝિટ કરી દાદીની સ્થિતિ જાણતા રહેજો.
(પાત્રોના નામ બદલ્યા છે.) સ્ટોરી : ધર્મિષ્ઠા પટેલ, મુંબઈ