સુરત / રશિયામાં પુત્રનું નિધન, મૃતદેહ વતન લાવવા માટે પટેલ પરિવારની મૂંઝવણ: પિતા-કાકા રશિયા જવા માટે પણ તૈયાર

સુરતના હેમીલ માંગુકિયાનુ યુક્રેનના ડ્રોન હુમલા દરમિયાન રશિયામાં મોત થયું હતું. રશિયન આર્મીમાં સિક્યુરિટી હેલ્પર તરીકે કામ કરતા હેમીલનુ મોત થતાં મૃતદેહને સુરત લાવવા માટે પરિવાર મૂંઝવણમાં મૂકાયો હતો. હેમીલનો મૃતદેહ લેવા રશિયા જવા માટે પિતા અને કાકાએ વિઝા પ્રક્રિયા શરૂ કરી હતી.  

હેમીલના મૃતદેહને સુરત લાવવા પરિવાર દ્વિધામાં
દીકરાના મોતના સમાચાર સાંભળીને પરિવારના સભ્યો શોકમાં ગરકાવ થઈ ગયો હતો. તેવામાં રશિયન સરકાર અને આર્મીએ ઇન્ડિયન એમ્બેસીનો સંપર્ક કરી મૃતદેહને સુરત પહોંચાડવાની ખાતરી આપી છે. જો કે, મૃતદેહ પરત આવવા અંગે ચોક્કસ માહિતી નહી આપી હોવાથી પરિવાર દ્વિધામાં મૂકાયો છે.  તો બીજી તરફ હેમિલના પરિવારના સભ્યો દ્વારા સ્થાનિક નેતાઓની પણ મદદ માગવામાં આવી હતી. 

વાંચવા જેવું: સ્ટેચ્યૂ ઑફ યુનિટી જોઈને અભિભૂત થઈ ગયા બિલ ગેટ્સ: કહ્યું અદ્ભુત એન્જિનિયરિંગ, વૉક વે પર લીધી તસવીરો

રશિયન આર્મીમાં સિક્યુરિટી હેલ્પર હતો હેમીલ
હેમીલના પિતા અને કાકા હેમીલના મૃતદેહને લેવા જવા માટે રશિયા જવા માટે તૈયાર થયા તેમજ હેમિલનનો મૃતદેહ તેમને પરત આપવામાં આવશે અને થોડા જ દિવસમાં મૃતદેહ સુરત પરત આવશે. જો કે કઈ તારીખે મૃતદેહ પરિવાર સુધી પહોંચશે તે માહિતી ઇન્ડિયન એમ્બેસી દ્વારા પરિવારને આપવામાં આવી નથી. 

VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો