સોમી અલીએ એક પોસ્ટ શેર કરતા સલમાન ખાન પર આરોપ લગાવ્યા છે કે આ વ્યક્તિ મહિલાઓ સાથે મારપીટ કરે છે, આને પૂજવાનું બંધ કરો.
સોમી અલીએ સલમાન વિરુદ્ધ સોશિયલ મીડિયા પર શેર કરી પોસ્ટ
આ વ્યક્તિ મહિલાઓ સાથે મારપીટ કરે છે, આને પૂજવાનું બંધ કરો - સોમી અલી
પોસ્ટમાં નથી લીધું સલમાન ખાનનું નામ
સોમી અલીએ સલમાન વિરુદ્ધ સોશિયલ મીડિયા પર શેર કરી પોસ્ટ
બૉલીવુડ અભિનેતા સલમાન ખાન મોટેભાગે કોઈને કોઈ કારણે સમાચારોમાં રહે છે. તેઓ ઘણી વાર સોમી અલી દ્વારા લગાવવામાં આવેલા આરોપોને કારણે પણ ચર્ચામાં રહે છે. આવામાં એકવાર ફરી સોમી અલીએ ણામ લીધા વિના સલમાન ખાન પર આરોપ લગાવ્યા છે. સોમીએ મૈંને પ્યાર કિયાનું એક પોસ્ટર શેર કરતા લખ્યું છે કે આ વ્યક્તિ મહિલાઓ સાથે મારપીટ કરે છે, આને પૂજવાનું બંધ કરો. સોમીની આ પોસ્ટ ઘણી ચર્ચામાં છે.
શું છે સોમી અલીની સોશિયલ મીડિયા પોસ્ટ?
સોમી અલીએ ઇન્સ્ટાગ્રામ પર એક પોસ્ટ શેર કરી છે. સોમીની આ પોસ્ટમાં તેમણે મૈંને પ્યાર કિયાનું પોસ્ટર શેર કર્યું છે, જેમાં સલમાન ખાન સાથે ભાગ્યશ્રી પણ જોવા મળી રહી છે. તસવીર સાથે સોમીએ કેપ્શનમાં લખ્યું છે કે 'મહિલાઓ સાથે મારપીટ કરનાર, અને માત્ર હું જ નહીં પણ અન્ય ઘણી. આને પૂજવાનું બંધ કરો. આ માનસિક રૂપથી બીમાર છે.' જણાવી દઈએ કે જે અકાઉન્ટથી આ પોસ્ટ કરવામાં આવી છે, તે વેરીફાઇડ નથી, પરંતુ આ અકાઉન્ટને સોમીનું જ ઇન્સ્ટા અકાઉન્ટ માનવામાં આવે છે.
પોસ્ટમાં સલમાનનું નામ લીધું નથી
જણાવી દઈએ કે સોમીએ આ પોસ્ટમાં માત્ર પોસ્ટર શેર કર્યું છે, જ્યારે કેપ્શનમાં કોઈનું પણ નામ લખ્યું નથી, જોકે સોમી પહેલા પણ ઘણી વખત સલમાન ખાન પર આરોપો લગાવી ચૂકી છે, આવામાં કહેવાઈ રહ્યું છે કે આ વખતે પણ તેણે સલમાન પર જ આરોપ લગાવ્યો છે. આ ઉપરાંત, સોમીએ પોતાનાં ઇન્સ્ટા પોસ્ટમાં કમેન્ટ્સ પણ લિમિટેડ રાખી છે, એટલે કે સૌ કોઈ તેની પોસ્ટ પર કમેન્ટ ન કરી શકે.
ઐશ્વર્યાને ટેગ કરી છે પોસ્ટમાં
યાદ અપાવી દઈએ કે આ પ્રથમ વખત નથી જ્યારે સોમીએ નામ લીધા વિના સલમાન ખાન પર નિશાનો સાધ્યો હોય. આ પહેલા પણ સોમી ઘણી વાર આમ કરી ચૂકી છે. માર્ચમાં સોમીએ સલમાન ખાનની ફિલ્મ મૈંને પ્યાર કિયાનો સિલઆઉટ ફોટો શેર કરતા લખ્યું હતું કે બોલિવૂડનો હાર્વી વિંસ્ટન. તુ એક દિવસે એક્સપોઝ થઈશ. જે મહિલાઓનું તે શોષણ કર્યું છે, એક દિવસે તેઓ બહાર આવશે અને પોતાનું સત્ય શેર કરશે, જેમકે ઐશ્વર્યા રાય. પોતાની આ પોસ્ટમાં સોમીએ ઐશ્વર્યા રાયને પણ ટેગ કરી હતી. જણાવી દઈએ કે ઘણા મીડિયા રિપોર્ટ્સમાં એમ પણ દાવો કરવામાં આવે છે કે રિલેશનશિપ દરમિયાન સલમાન ખાને ઐશ્વર્યા રાય સાથે સેટ પર મારપીટ કરી હતી.
સલમાન માટે આવી હતી ભારત
નોંધનીય છે કે સોમી અલીએ અમુક ઇન્ટરવ્યૂમાં એમ પણ દાવો કર્યો છે કે તે સલમાન ખાન સાથે રિલેશનશીપમાં હતી પરંતુ એક્ટરે તેને દગો આપ્યો. સોમીનું કહેવું હતું કે તે પોતાનાં જીવનમાં આગળ વધી ગઈ છે. તેની હવે સલમાન સાથે વાત નથી થતી. સોમી અલી પહેલા ઘણા ઇન્ટરવ્યૂમાં જણાવી ચૂકી છે કે તે ભારત માત્ર સલમાન ખાન સાથે લગ્ન કરવા માટે જ આવી હતી. તે 1991થી 1998 સુધી હિન્દી ફિલ્મોમાં જોવા મળી હતી. સલમાન સાથે બ્રેક અપ બાદ તે 1999માં યૂએસ ચાલી ગઈ હતી.