બ્રેકિંગ ન્યુઝ

logo

VTV / બિઝનેસ / ક્યાંક ઝીરો તો ક્યાંક 60% સુધી.. જાણો દુનિયાના દેશોમાં કેટલો ભરવો પડે છે ઈન્કમ ટેક્સ

બિઝનેસ / ક્યાંક ઝીરો તો ક્યાંક 60% સુધી.. જાણો દુનિયાના દેશોમાં કેટલો ભરવો પડે છે ઈન્કમ ટેક્સ

Last Updated: 07:09 PM, 23 January 2025

logo

FOLLOW ON

logo

શેર કરો

logo logo logo
article-logo

ભારતમાં થોડા દિવસમાં જ કેન્દ્રીય બજેટ રજૂ થવાનું છે. જેથી દરેકની નજર ઇન્કમ ટેક્સ છૂટ પર પણ રહેશે. ટેક્સથી જ સરકાર પોતાના ખર્ચ પૂરા પાડતી હોય છે. પરંતુ વિશ્વમાં અનેક દેશો એવા છે જ્યાં ઇન્કમ ટેક્સ લેવામાં જ નથી આવતો.

વિવિધ દેશોની સરકારો જે વિકાસના કામ કરે છે તે પૈસા ક્યાંથી આવે છે? મોટાભાગની સરકારોની આવકનો સ્ત્રોત ઇન્કમ ટેક્સ હોય છે. લોકોની કમાણી મુજબ ઇન્કમ ટેક્સ લગાવવામાં આવે છે. દુનિયાના અનેક દેશો એવા છે જ્યાં ભારત કરતા પણ વધુ ઇન્કમ ટેક્સ લગાવવામાં આવે છે તો અમુક દેશોમાં ઓછો ભરવો પડે છે તો અમુક દેશમાં ઇન્કમ ટેક્સ લાગતો જ નથી. આપણે આવા કેટલાક દેશો વિશે જાણીશું.

  • UAE

UAEમાં જનતા પર કોઈપણ પ્રકારનો વ્યક્તિગત ટેક્સ વસૂલવામાં આવતો નથી. સરકાર વેટ ( વેલ્યુ એડેડ ટેક્સ) અને અન્ય ટેક્સ જેવા પરોક્ષ કર પર આધાર રાખે છે.  યુએઈની અર્થવ્યવસ્થા ક્રૂડ ઓઇલ અને પર્યટનને કારણે ખૂબ મજબૂત છે. જેથી UAE માં લોકોને ઇન્કમ ટેક્સમાં રાહત આપવામાં આવી છે.

  • બહેરીન

બહેરીનનું નામ પણ ટેક્સ ફ્રી દેશોની યાદીમાં સામેલ છે અને આ દેશમાં પણ જનતા પાસેથી કોઈ ઇન્કમ ટેક્સ વસૂલવામાં આવતો નથી. દુબઈની જેમ અહીંની સરકાર મુખ્યત્વે પ્રત્યક્ષ કરને બદલે પરોક્ષ કર પર આધાર રાખે છે. આ પદ્ધતિ દેશના નાના વ્યવસાયો અને સ્ટાર્ટઅપ્સ માટે ખૂબ જ ફાયદાકારક સાબિત થાય છે અને તે અર્થતંત્રને પણ રફ્તાર આપે છે.

Tax (2)
  • કુવૈત

કુવૈતનો પણ કરમુક્ત દેશોની યાદીમાં સમાવેશ થાય છે. અહીં કોઈ પર્સનલ ટેક્સ નથી. દેશનું અર્થતંત્ર જે સંપૂર્ણપણે ક્રૂડ ઓઇલની આવક પર આધારિત છે, જેથી જનતા પાસેથી એક પણ રૂપિયો કર વસૂલ્યા વિના સરકાર ચાલે છે. કુવૈતની અર્થવ્યવસ્થાનો સૌથી મોટો ભાગ ઓઈલ એક્સપોર્ટમાંથી આવે છે, જેના કારણે સરકારને સીધો ટેક્સ લેવાની કોઈ જરૂર નથી પડતી. આ મોડેલ અપનાવ્યા બાદ કુવૈત ટેક્સ ફ્રી દેશ હોવા છતાં એક સમૃદ્ધ અર્થતંત્ર તરીકે ઉભરી આવ્યું છે.

  • સાઉદી અરેબિયા
    સાઉદી અરેબિયાની જનતા પણ ટેક્સ ફ્રી છે. જ્યાં પ્રત્યક્ષ કર નાબૂદ કરવામાં આવ્યો છે. જોકે આ દેશમાં પણ ઈનડાયરેક્ટ ટેક્સ  સિસ્ટમ મજબૂત છે અને તેમાંથી મળતા નાણાં અર્થતંત્રને વેગ આપે છે અને તેની ગણતરી પણ સમૃદ્ધ અર્થતંત્રોમાં થાય છે.
  • ધ બહામાસ

પ્રવાસીઓ માટે સ્વર્ગ તરીકે ઓળખાતું બહામાસ વેસ્ટર્ન હેમિસ્ફીયરમાં આવે છે. આ દેશની ખાસ વાત એ છે કે અહીં રહેતા નાગરિકોને ઇન્કમ ટેક્સ નથી ચૂકવવો પડતો. આ યાદીમાં બહેરીન અને કુવૈત ઉપરાંત ખાડી દેશ ઓમાનનો પણ સમાવેશ થાય છે. ઓમાનના નાગરિકોએ ઇન્કમ ટેક્સ ભરવાની જરૂર નથી. જેનું કારણ ઓમાનનું મજબૂત તેલ અને ગેસ ક્ષેત્રને માનવામાં આવે છે. ઓમાન, બહેરીન અને કુવૈતની જેમ કતાર પણ આવી જ વ્યવસ્થા છે. કતાર તેના ઓઇલ સેક્ટરમાં પણ ખૂબ જ મજબૂત છે.

Tax

સૌથી વધુ ઇન્કમ ટેક્સ ક્યાં વસૂલવામાં આવે છે?

  • ફિનલેન્ડ
    ફિનલેન્ડમાં ઇન્કમ ટેકસ રેટ 57.3% છે. દેશની આ ટેક્સ વ્યવસ્થા નાગરિકોને ઉચ્ચ ગુણવત્તાનું જીવન મળે તે સુનિશ્ચિત કરે છે. આ પ્રકારની ટેક્સ પ્રણાલી દરેકને લાભ આપે છે પછી ભલે તેમની નાણાકીય પરિસ્થિતિ ગમે તેવી હોય. ફિનલેન્ડ તેના નાગરિકોને સોશિયલ સિક્યોરિટીના ભાગ રૂપે રાષ્ટ્રીય પેન્શન પૂરું પાડે છે. આ પેન્શન 16 વર્ષથી વધુ ઉંમરના દરેક વ્યક્તિ દ્વારા મેળવી શકાય છે જેને તેની જરૂર હોય છે. નિવૃત્તિ બાદ સરકાર કર્મચારી પેન્શન યોજના હેઠળ પેન્શન પણ આપે છે. આ સિવાય ફિનલેન્ડ સરકાર તેના દેશના દરેક નાગરિકને આરોગ્ય વીમો પૂરો પાડે છે જેથી દરેક વ્યક્તિ મફતમાં સારવાર મેળવી શકે. લોકોને બેરોજગારી વીમો પણ આપવામાં આવે છે.
  • જાપાન
    જાપાન વિશ્વમાં સૌથી વધુ ઇન્કમ ટેક્સ ધરાવતા દેશોમાંનો એક છે. અહીંયા 55.95% સુધી ઇન્કમ ટેક્સ લાગે છે. આ એક પ્રગતિશીલ ટેક્સ સિસ્ટમ છે, જ્યાં ઉચ્ચ આવક ધરાવતા વ્યક્તિઓ પાસેથી વધુ કર વસૂલવામાં આવે છે.
  • ડેનમાર્ક
    ડેનમાર્કમાં ઇન્કમ ટેક્સ દર 55.9% છે. ડેનમાર્ક પ્રોગ્રેસીવ ટેક્સ સિસ્ટમનું પાલન કરે છે. અહીંયા વધુ કમાણી કરનારાઓ પર વધુ કર લેવામાં આવે છે. આઇવરી કોસ્ટ તેના નાગરિકો પર 60 ટકા આવકવેરો વસૂલ કરે છે.

વધુ વાંચો : ઘર ખરીદવું કે ભાડે રાખવું? એક્સપર્ટ પાસેથી જાણો તમારા માટે કયો ફાયદાનો સોદો

  • ઑસ્ટ્રિયા
    ઑસ્ટ્રિયામ 55% ઈન્કમ ટેક્સ લેવામાં આવે છે. આરોગ્યસંભાળ, શિક્ષણ, સામાજિક સુરક્ષા અને માળખાગત વિકાસ સહિત વિવિધ પ્રકારની જરૂરી જાહેર સેવાઓને ઇન્કમ ટેક્સ ભંડોળ પૂરું પાડે છે.
  • સ્વીડન,બેલ્જિયમ

સ્વીડનમાં ઇન્કમ ટેક્સ 52.3% લેવામાં આવે છે. તો બેલ્જિયમમાં 50% ઇન્કમ ટેક્સ ભરવો પડે છે. ઉલ્લેખનીય છે કે, આ દેશોની સરકારો ટેક્સના પૈસાથી અનેક કલ્યાણકારી યોજનાઓ ચલાવે છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ

સંકળાયેલા મુદ્દાઓ

Tax Free Country Union Budget Income Tax
background
logo

VTV Gujarati

WhatsApp Channel Invite

સબસ્ક્રાઇબ કરો

દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.

logo

સૌથી વધુ વંચાયેલું

ADVERTISEMENT

log

હોમ પેજ

log

બ્રેકિંગ ન્યુઝ

log

વીડિયોઝ

log

વેબ સ્ટોરીઝ

log

મેનુ